2024-03-02
HomeLan Osasuna IdazkaritzaPrekarietatea HiltzaileaMobilizaziorako deia egiten dugu hildako azken langilearen aurrean

Mobilizaziorako deia egiten dugu hildako azken langilearen aurrean

Atzo, otsailaren 28an, Bidelan enpresako 48 urteko langile bat hil zen A-8 autopistan, mantentze lanak egiten ari zela elektrokatua. 2019an, gutxienez 8 langile hil dira lanean edo lanaren ondorioz Euskal Herrian.

Lehenik eta behin LAB sindikatutik gure elkartasuna eta babesa adierazi nahi diogu bere senide, lagun eta lankidei, momentu gogor honetan.

Azken astean, mantentzen lanak egiten ari ziren bi langilek lan istripua pairatu dute. Lehenak, otsailaren 26an, GI- 2132 errepidean Astigarraga parean, eta oso larri jarraitzen du. Eta bigarrenak atzo, A-8 autopistan Eibar parean hil zenak.

Berriro salatzen dugu egoera, sarraski amaigabea eta langileon osasun eta bizitzaren galera. Arazo estruktural baten aurrean gaude, istripu guztiek faktore amankomunak dituzte oinarrian, prekarietatea, azpikontratazioa eta segurtasun eza, istripu honen atzean ere aurkitzen ditugunak.

Azken bi istripu hauetan Gipuzkoako Foru Aldundiaren inplikazio politikoa azpimarratu nahi dugu, errepidean mantendu lanak kanporatu egin dituelako.

Foru Aldundiari, behingoz beharrezko ikerketa abiaraztea exigitzen diogu, lan istripuen aurrean neurriak hartu eta beharrezko baldintzak ezartzea, baita ere eranginkorrak ez diren osasun politikak goitik behera aldatzea. Epaileei, istripuen erantzuleen gainean ardurak exigitzea eskatzen diegu. Nahikoa da, nazkatuak gaude, justizia exijitzen dugu langileontzat.

Egoeraren larritsunaren aurrrean LABek langile klaseari eta gizarte guztiari deitzen dio antolatuko diren mobilizazioetan parte hartzera. Bidelango enpresa batzordeak elkarretaratzea deitu dute gaurko, 12:00tan enpresa aurrean, Zarautzen.
 

 

 

AZKEN ALBISTEAK | ƚLTIMAS NOTICIAS

Bidelanen hitzarmen kolektiboa sinatzea #LortuDugu

2023ko urtarrilean hasi zen negoziazioaren ondoren, Bidelan AP8n hitzarmena sinatu dugu 4 urterako, 2023/2026rako, LAB buru duen batzordearen eta Bidelan enpresaren artean.

Zaintza, enplegua eta ondasunaren banaketa aldarrikatu ditugu Gasteizen, Martxoaren 3ko sarraskiaren 48. urteurrenean

Ekitaldia egin du LABek Gasteizen, Martxoaren 3ko sarraskiaren 48. urteurrenean, Enbor beretik sortuko dira leloarekin. GarbiƱe Aranburu koordinatzaile orokorrak adierazi du 1976 hartan jaio berria zela sindikatua: ā€œHasieratik argi izan genuen gure lekua non zegoen. 76ko martxoaren 3aren parte izan ginen eta LABentzat urtemuga garrantzitsua izaten jarraitzen duā€.

Natra OƱatin aurreakordioa #LortuDugu

Natra OƱatin aurreakordioa lortu dugu. 2022tik hitzarmena berritu gabe pasa eta gero, 2023 osoa negoziatzen egon ondoren, eta enpresaren aldetik mespretxua besterik jaso ez dugun honetan, gaur, 2024ko martxoaren 1ean, aurreakordio bat sinatzera iritsi gara bi aldeak.