2024-09-20
HomeLAB SindikatuaMaiatzak 1: Eredu berri bat eraikiko duen prozesu soberanista baten alde borrokatzeko...

Maiatzak 1: Eredu berri bat eraikiko duen prozesu soberanista baten alde borrokatzeko eguna

Ainhoa Etxaide, idazkari nagusiak, Sonia Gonzalez, komunikazio idazkariak eta exekutiboko kide diren Oihan Ostolaza eta Olatz Arozenak LABek aurtengo Maiatzaren Lehenaren testuinguruan egiten duen irakurketa ezagutaratzera eman du gaur. "Maiatzak 1. Borrokatu, matxinatu eta irauli Euskal Herria" lelopean eskualdeka burutuko ditu aurten sindikatuak Maiatzaren Leheneko mobilizazioak.

LAB sindikatuak aurtengo Maiatzaren Lehena emerjentzia egoera batetan datorkigula gogoratu du eta, nahiz eta horrela sinistarazi nahi duguten, egoera horren erantzule zuzena krisiaren aitzakiaz aplikatzen diren politiken ondorio zuzena direla salatu du.

Politika horiek langile klasea pobretzean eta bere burua defendatzeko bitartekorik gabe uztean oinarritzen da eta honen aurrean, politikak aldatzera behartu behar ditugula aldarrikatzen du LABek, horixe baita etorkizun duin bat lortzeko eta nahi diguten zulo beltzetik ateratzeko modu bakarra.

Bide honetan, indarrak biltzearen beharra azpimarratu du LABek. Gure eskualdeen eta euskal langileriaren etorkizuna defendatzea inoiz baino garrantzitsuago baita.

Euskal Herriari bere bidea zein izango den erabakitzeko garaia dela adierazi du sindikatuak, "beste eredu bat posible dela aldarrikatzetik eraikitzera pasa behar da" gaineratuz.

Aldaketa honetan langileria izan behar du protagonista LABentzat, horixe baita modu bakarra hartzen diren erabakiak guzion onurako izatea eta ez gutxi batzuentzako.

M30 Greba Orokorra
LABek Maiatzaren lehena Maiatzaren 30ean Hego Euskal Herrian eragile sindikal eta sozialek deitutako Greba Orokorraren antolaketarako eta bereziki, "akordio sozialak antolatzeko, eraikitzeko, egin behar dugun prozesu sozial horretan" mugarritzat jo du.

 

        

AZKEN ALBISTEAK | ÚLTIMAS NOTICIAS

Bilboko hiribilduaren mantentze elektrikoari buruzko agiri teknikoa inpugnatu dugu, hitzarmena ez betetzeagatik

2024ko irailaren 4an, Bilboko Udalak argitara eman zituen Bilboko argiteria publikoaren eta instalazio elektriko eta osagarrien mantentze- eta kontserbazio-zerbitzuaren lizitazio berriaren agiri teknikoak. Agiri horietan, Bilboko Argiakeko 39 langile agertzen dira langile subrogagarri gisa, eta subrogazio-zerrendatik kanpo geratzen dira mantentze elektrikoko zerbitzuko obren atalari atxikitako 9 pertsonak.

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.