2024-02-28
HomeEkintza SozialaEnplegu suntsiketa areagotu egin da Hego Euskal Herrian eta langabezia tasa ia...

Enplegu suntsiketa areagotu egin da Hego Euskal Herrian eta langabezia tasa ia %17raino heltzen da lehen seihilabetekoan

INEk argitara eman dituen datuen arabera, lan merkatuaren egoerak bilakaera desberdina izan du herrialde bakoitzean. Araba eta Gipuzkoan, enpleguari eusteaz gainera okupazioaren igoera txikia eman da. Hala ere, Hego Euskal Herria bere osotasunean hartuta egoera oso txarra da. 19.600 lanpostu suntsitu dira urtearen lehen hilabeteetan, hau da, aurreko hiruhilabetekoen ia bikoitza.

Nabarmena da enplegu suntsiketaren erritmoa bizkortu egin dela gure herrian, eta honek eragin du langabezia tasa azken urteotako mailarik altuenera igotzea, gero eta eutsiezinagoa dena.

Biztanleria Aktiboaren Inkestaren arabera, Hego Euskal Herriko langabezia tasa %16,9koa da egun, 2012ko laugarren hiruhilabetekoan baino 7.300 langabetu gehiago kontabilizatu ondoren. Edozein kasutan, aipatu beharrekoa da biztanleria aktiboa txikitzeak soilik eragotzi duela langabezia-tasa are gehiago handitzea.

Euskal gazteriak bizi duen egoera bereziki dramatikoa da, ia %48ra heltzen den langabezia tasarekin eta lana aurkitzeko gero eta aukera gutxiagorekin.

Generoaren arabera ere desberdintasunak dauden langabezia tasan, %17,4koa da emakumeentzat eta %16,5ekoa gizonezkoentzat.

Bestalde, enpleguari dagokionez krisiak ekarri duenaren balantzea egiten badugu, Hego Euskal Herrian 203.000 lanpostu baino gehiago suntsitu direla ikusiko dugu, atzeraldiaren lehen zantzuak agertu aurretik zegoen enpleguen %15,7.

Krisiak euskal langile klaseari eragiten dion egoera latza Grezia, Letonia, Lituania eta Estatu espainoleko egoerarekin soilik pareka daiteke. Europar Batasunean enpleguen %2,7 galdu da denbora tarte horretan.

Testuinguru honetan PPren gobernua mehatxuka ari da lan-erreforma are gogorragoa eta pentsioen sistema publikoaren kontrako eraso latzarekin, horrela PSOEko aurreko gobernuak eskubide laboral eta sozialen kontra hasi zuen ofentsiba bururaino eramateko.

Erreformen agenda basati honi aurre egiteko erantzunik eraginkorrena aurrea hartu eta gehien komeni zaizkigun politika ekonomiko, laboral eta sozialak erabakitzeko gure eskubidea gauzatuko duten prozesu soberanista bultzatzea da, kanpoko esku-sartzerik gabe. Datorren maiatzaren 30erako deitutako grebak aukera egokia ematen digu zentzu honetan.

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

Nafarroako Kimiketako hitzarmena adosteko patronalak egin beharreko lanketa bizkor dezan exijitzeko mobilizatuko gara

Azken hilabete luzeetan LAB eta ELA aldarrikatzen ari garen Nafarroako Kimiketako hitzarmenaren lanketaren barnean eta intersindikalak egindako eskaera baten ondorioz, pasa den otsailaren 23 eta 26an bi sindikatuak CEN patronalarekin batzartu ziren, nor bere aldetik. Baina enpresaburuen erantzuna mantso doanez eta, gainera, ez doanez bi sindikatu hauek nahi duten ildotik, martxoaren 1ean elkarretaratzea eginen dute CEN-en Iruñeko egoitzaren parean.

Salicako enpresa-batzordeak erabat gaitzesten du enpresak inposatutako Aldi Baterako Enplegu Erregulazio Espedientea

Kontserba-enpresako enpresa-batzordeak agerraldia egin du Bermeon eta bertan azaldu du, joan den azaroan, beste Aldi Baterako Enplegu Erregulazio Espedientea (ABEEE) bat hasteko asmoa zuela adierazi ziola zuzendaritzak, bigarrena jarraian. Honela, 2023an bezala, Salikako langileak dira berriz ere enpresarako plan estrategikorik ez izatearen ondorioak ordaintzen dituztenak. Berriro ere erabiltzen da ABEEEa “tresna” bezala malgutasun handiagoa izateko bide moduan.

Salatu dugu Ausolanek kanpoko enpresa bat kontratatu duela baja medikoak kontrolatzeko

Ausolan enpresako kolektibitateetarako sukaldaritzako eta garbiketako langileek elkarretaratzea egin dute gaur Espartzan (Nafarroa), enpresaren egoitzaren aitzinean, salatzeko posta elektroniko bidez izan dutela kanpoko enpresa bat kontratatzeko alde bakarreko erabakiaren berri. Kanpoko enpresa horrek langileen baja medikoak kontrolatuko ditu. Erabaki hori ez da sindikatuetako ordezkariekin partekatu ez negoziatu. Langileek aldarrikatu dute diru hori prebentziorako erabiltzea, eta ez kontrolerako.