2024-05-24
HomeEkintza SindikalaM30eko greba orokorrean gazte bati pegatina bat jartzeagatik 100€ isuna jarri izana...

M30eko greba orokorrean gazte bati pegatina bat jartzeagatik 100€ isuna jarri izana salatu dute

Aiaraldeko Plataformak maiatzaren 30en Hego Euskal Herrian egin zen greba orokorraren harira gazte bati poliziak pegatina bat jartzeagatik ezarritako 100€ko isuna salatu eta isuna "guztion artean" ordaintzeko salgai jarritako pegatinak erosteko gonbitea luzatu dute.

Plataformaren iritziz poliziaren jokaera eta eskubide sozialen borroka indargabetzeko intentzioak agerian geratu dira beste behin. Honen aurrean Aiaraldeko plataformak gizartea eskubideen defentsan borrokan jarraitzeko animatu du, mota horretako probokazioak ekiditzen eta albo batera uzten.

AIARALDEKO PLATFORMAREN IRAKURKETA
Maiatzaren 30ean borroka orokorra, greba orokor eguna burutu zen, Hego Euskal Herrian eragiten digun politiken aldaketa aldarrikatzeko eta eskubide sozialen kartaren eraketaren prozesua bultzatzeko, Euskal Herrirako nahi dugun eredu soziala definituko lukeena.

Aiaraldean egun honek jarraipen handia izan zuen eta eguneko pikete informatiboek ez zuten lan handirik izan atxikimendu sozial, komertziala eta laborala nagusia izan bai zen.

Egun horretako jokabide kaskar bakarra eta lekuz kanpokoa ertzaintzako agenteena izan zen arratsaldeko manifestazioa eta gero, Laudioko Herriko plazan indarrez sartu zirenean gendea bultzatuz eta euren borrekin mehatxatuz.

Jokaera honi, eskualdeko gazte bati poliziaren partez heldu zaion izun bat gehitu behar diogu, testualki; “por pegar una pegatina en un cajero automatico” pikete informatiboek lanean ari ziren bitartean. Isuna 100 eurokoa da, eta bankuarengatik inongo salaketa dagoenik ez da jakin.

Berriz ere poliziaren jokaera eta intentzioak agerian geratu dira, behin eta berriz eskubide sozialen borroka indargabetu nahian. Larriena, gazteenganako daukaten jokaera da, gazteak izaten dira beti euren helburua, gazteen motibazioa ahultzeko eta batez ere borroka eta gazteak kriminalizatzeko. Poliziaren jokaeraren helburua argia da: murrizketak eta eskubideen galeraren kontrako mobilizazioa etetzea.

Aiaraldeko plataformak gizartea animatu nahi du borroka horretan jarraitzeko, eskubideak defendatzen jarraituz, probokazio hoiek ekiditzen eta albo batera uzten. Horregatik gure elkartasuna adierazi nahi diogu gazte honi eta gonbitea luzatzen diogu eskualdeko gizarteari gauza bera egitera. Aterako diren pegatinak eros ditzagun 50 zentimotan, isuna guztion artean ordaintzeko. Pegatina hura guztiok itsatsi genuen.

Aiaraldeak plantoa nahi duela aldarrikatzen jarraituko du.

Aiaraldeko plataforma
Arabako pentsionistak lanean, Askapena, ELA, Ernai, ESK
Gazte Asanbladak (Amurrio, Laudio, Orozko, Urduña), Hauspoa, Ikasle Abertzaleak, LAB, STEE-EILAS, Stop Desahucios Aiara

 

LAB sarean
{module[111]}

       

AZKEN ALBISTEAK | ÚLTIMAS NOTICIAS

Matia Fundazioko langileek hitzarmena negoziatu ahal izateko blokeoa etetea exijitu dute

Gaur kontzentrazioa egin dugu Matia Fundazioko langileekin batera, fundazioko zuzendaritza salatzeko asmoz, 2024. urtean hasitako negoziazio kolektiboa izoztuta dauka eta.

Jarraipen zabala Bizkaiko grafikagintza sektorearen grebaren laugarren egunean

Laugarren greba eguna Cebek-en egoitzaren aurrean amaitu den manifestazio jendetsu batekin amaitu da. Hain zuzen ere, patronala da maiatzaren 27an sektoreko gatazka desblokeatzeko aukera duena. Bestela, Bizkaiko grafikagintza sektoreko borrokak aurrera jarraituko du

Errepide mozketa egin dugu Iruñean salatzeko patronalak eta UGT eta CCOO sindikatuek Nafarroako Kimiketako hitzarmena guztiz blokeatu dutela

LAB sindikatuko zenbait kidek eta Kimiketako zenbait langilek Iruñeko errepide bat moztu dute gaur goizean, irudikatzeko eta salatzeko patronalak zein UGT eta CCOO sindikatuek erabat blokeatu dutela Nafarroan sektoreko hitzarmen probintziala izateko aukera. LABek iragan urteko ekainean abiatu zuen halako hitzarmen bat negoziatu ahal izateko lanketa, baina aipaturiko eragile horiek guztiz moztu dute bide hori.