Larunbatean SAREk Donostian “Larriki gaixorik dauden euskal presoak etxera” lemapean egingo duen manifestazioan parte hartzeko deia egiten duLABek. Sindikatua bertan izango da Ainhoa Etxaide Idazkari Nagusia buru duen ordezkaritza batekin. Egun, gaixotasun larriak dituzten 10 presok kartzelan jarraitzen dute.

Giza eskubideen ikuspegitik eta gatazkaren konponbideari begira, dispertsioarekin amaitu eta euskal preso eta iheslarien etxeratzea aldarrikatzen dugu, salbuespeneko legedia desaktibatuz. Honi lotuta, gaixo larriak dituzten presoen etxeratzeak berebiziko garrantzia du.

Etxean nahi ditugu, aske nahi ditugu, eta horren alde lanean jarraituko dugu, lantokietan zein kalean, euskal preso politikoak etxera ekartzeko.

Bere kideei manifestazioan parte hartzeko deia egin nahi die LABek, eta preso eta iheslarien eskubideen aldeko borroka, lantokietan ere indartzera.