Beste langile bat hil da, edo erail egin dute, hobe esanda. 47 langile izan dira gutxienez aurten azaro bitartean eraildakoak. Horietatik 28 Bizkaian. Lehenik eta behin doluminak eta besarkada beroena A.M.M.ren sendi lankide eta gertukoei. Momentu gogorrak dira, eta bero gaude, haserre, baina horrek ez du gure irakurketa balditzatuko. 

Atzo esaten genuen, patronala zela erantzulea, eredu zehatz bat inposatzen digulako, prekarietate
eta mozkinen eredua, kapitala langileon bizitzaren gainetik jarriaz. Baina konplizeak ere badaude, hau guztia gertatzen uzten dutenak , eta Jaurlaritza berriari zuzenean interpelatzen diogu.

Zer egin behar duzue odoluste hau geratzeko? Ikuskaritza eta Osalan, prest al zaudete zuen
baliabideak modu zorrotz batean erabiltzeko?

LABek lanean eta borrokan jarraituko du egoera iraultzeko eta beste eredu bat eraikitzeko;
bizitza, eskubideak eta osasuna erdigunean jarriko dituena.

Aurrean edukiko gaituzue!