2024-05-21
HomeEmakumeakMartxoak 8Lanuztea martxoaren 7an Bizkaiko kontserberetan sektoreko emakumeek pairatzen duten prekarietatea salatzeko

Lanuztea martxoaren 7an Bizkaiko kontserberetan sektoreko emakumeek pairatzen duten prekarietatea salatzeko

Kontserberetako emakumeak pairatzen ari diren egoera salatzeko, herrialdeko hitzarmen berri bat aldarrikatzeko eta orain arte egindako borrokari jarraipena emateko asmoz, LABek, martxoaren 7an, emakume langilearen egunaren bezperan, ordu erdiko paroa deitu du Bizkaiko kontserbera guztietan, 12:00etatik 12:30etara. Lanuztea otsailaren 28an errejistratu zuten Bilbon.

Bizkaiko kontserberek, urtero, martxoaren 8aren testuinguruan, emakume langileen eskubideen aldeko irudia saldu nahi badigute ere, hau da benetan sektore honetan langileak pairatzen duten errealitatea.

Bizkaiko kontserberetako langileei, gehienak emakumeak, uztailaren 7tik aurrera, eta PPko gobernuak inposaturiko lan erreforma baliatuz, lan baldintzak kaskartu egin dizkiete.
Patronalak, adibidez Campos, Zallo edo Ortizek, aldebakartasunez estatu mailako hitzarmena aplikatzeko erabakia hartu dute, eta bertako langileak zituzten lan eskubideak ez dira errespetatzen. Zituzten aldi baterako ezintasun osagarriak, lizentziak, urteko ordu kopurua, eta kontratazio berriei soldata ere, estatuko hitzarmenak ezarritakoari jarraituz egiten dira.

Egoera honek berez oso prekarioak ziren lan baldintza batzuen okertzea baino ez du ekartzen, adibidez 900 eurotako soldatak, lan oso gogorra…, eta egoera honek langile profil oso zehatza dutenei kaltetzen die, batez ere emakumeak eta produkzioan lan egiten dutenak.

LABetik argi dugu irtenbidea badagoela eta honen alde borrokatzen jarraitu behar dugula; berebiziko garrantzia duen herrialdeko hitzarmenaren aldeko borroka sustatu behar da, tresna hau delako berez prekarioak diren lan baldintzen okertzea ekidituko duen irtenbidea.

Hau guztiagatik, eta orain arte egindako borrokari jarraipena emateko asmoz, sektore honetako langileak, gehienak emakumeak, pairatzen ari diren egoera salatzeko eta herrialdeko hitzarmen berri bat aldarrikatzeko, LABek, martxoaren 7an, emakume langilearen egunaren bezperan, ordu erdiko paroa deitu du Bizkaiko kontserbera guztietan, 12etatik 12’30 arte.

Eusko Jaurlaritzari, eta erakunde zein alderdi guztiei, eskatzen diegu ere, honen moduko egoeren aurrean, eta langileen lan baldintzak arautzen dituzten bertoko hitzarmenak babesteko, Lan Harremanetarako Euskal Esparruaren aldeko apostua eta pausoak eman ditzaten.
 

 

 

AZKEN ALBISTEAK | ÚLTIMAS NOTICIAS

Bizkaiko kiroldegi eta kirol zelaietako hitzarmena sinatzea #LortuDugu

35 orduko lanaldiaren aldarrikapen historikoa eskuratu ahal izan dugu.

Europar hauteskundeen atarian mobilizazioei berrekingo diegu Bizkaiko Correosen

Bi asteko etenaldiak eta gero, maiatzaren 16an, enpresak Bizkaiko Correos posta zerbitzuko sindikatu guztiei bilera batera deitu gintuen, mobilizaioei buruz hitzegiteko. Hauteskundeetarako kontratazioa askoz mugatuagoa izango dela helarazi zigun (EAEko hauteskundeetarako zegoen dirua, oraingoan estatuko ipar-zonaldeko beste hamar probintziekin elkarbanatuko da, hau da, minimoetan egongo gara). Eta udari begira, egoera berdinean egongo gara. Ez dituzte beteko oporretan dagoen lankideen lanpostu asko, beste langileen gain utzita lan guztia (errekargo gehiagorekin).
00:06:54

Langileen prekaritatea oinarri duen egoera sozioekonomikoa finkatzen ari da

Bizi baldintzen okertze estrukturala esparru ezberdinetan gauzatzen ari da, Ipar Hegoa fundazioak Ikusmiran argitalpenaren 18. alean jasotako datuek erakusten dutenez.