2024-02-28
HomeZerbitzu PribatuakBankaLangileen batasuna eta antolaketa aldarrikatzen ditugu Kutxabanqueko kaleratzeen aurrean

Langileen batasuna eta antolaketa aldarrikatzen ditugu Kutxabanqueko kaleratzeen aurrean

23 langile kaleratuko dituzte Ipar Euskal Herrian irabaziak dituen enpresa batetik. 23 familia langabeziara joango dira arrazoi politikoengatik. Kaleratzeen arrazoia ez da ekonomikoa, enpresak irabaziak baititu, bezeroak ere bai, zerbitzu ona ematen du eta ez du inolako arazorik. Egoera honen aurrean edozein enpresak izango luke etorkizuna ziurtatuta, baina Kutxabanken administrazio kontseiluak, EAJrekin lotuta dagoenak, hiru bulego ixtea eta euretako langileak kaleratzea erabaki du.

Enpresak berak jakinarazi die albistea bezero guztiei gutun bidez. Hauek ere ez dute ezer ulertzen eta ugari dira egunotan bulegoetatik pasatzen ari diren bezeroak erabaki honen inguruko arrazoiez galdezka. Langileentzat ez da lehenengo albistea izan, are gehiago, urtebete baino gehiago zeramaten itxieraren ingurukoak entzuten, honek ekarri dien guztiarekin, nerbioak, antsietatea, ziurgabetasuna eta amorrua.

Orain, ez zaigu kaleratzeen erruduna zein izan den adieraztea baino geratzen. Eusko Alderdi Jeltzalea eta bete herri- estrategia edo apusturik eza. Ematen du Iñigo Urkullu, Andoni Ortuzar eta Pako Arizmendirentzat folklorea baino ez dela Ipar Euskal Herria.

Amaitzeko, batasuna eta antolaketa aipatu beharrean gaude. Egia da ez dugula hain erraz amore emango. Ez gara heriotza gozoaren esperoan jokatzen duten muslariak. Gogorra izan da urtea, baina atsegingarria ere era berean.

Erakutsi dugu posible dela lanpostuei eustea. Borondate kontua baino ez da. Berriro sinetsi dugu langileen antolaketan eta emandako urrats guztiak eta emango dituztenak, asanbladak hartuak izango dira langile guztien eta LAB euren sindikatuaren artean.
 

 

 

AZKEN ALBISTEAK | ÚLTIMAS NOTICIAS

Eraso judizialen aurrean, euskaraz lan egin eta bizitzeko eskubidearen aldeko mobilizazioetan parte hartzera dei egiten dugu

Botere judizialak euskararen aurka egiten dituen erasoek ez dute etenik. Azken egunotan, Bizkaiko Foru Aldundiaren enplegu publikorako hautaketa-prozeduren aurkako bi epairen berri izan dugu. Deialdi horiei lotutako hizkuntza-eskakizunen betekizuna da zalantzan jartzen dena. Diskriminatzailetzat jotzen da euskara eskatzea, enplegu publikoak baldintza berdinetan eskuratzeko oinarrizko eskubidea urratzen duela argudiatuta. Sententzia zentzugabekeria juridiko izugarria da, inolako oinarri juridikorik gabe euskararen normalizazioaren aurka egitea du helburu bakarra.

Amazonen ereduak dakarrena salatu dugu BECen, greba egunen bezperan

Paketatze, banaketa eta garraio ereduak dituzte hizpide gaur eta bihar bitartean BECen, Barakaldon. Robotizazio, digitalizazio eta automatizazioak sortzen duen lan-eredua definitzen ari dira eta badugu eredu horretan adierazlea den ezaguna: Amazon multinazionala. Lan eredu berriak indarrez inposatu eta edozein hobekuntza negoziatzera uko egiten dion enpresa.

Osakidetzako zuzendaritzak ez du bermatzen EAGak irekita izatea oinarrizko plantillarekin

Atzo sindikatuetako ordezkariak, langileak eta herritarrak bildu ginen, EAGetan bizi dugun egoera salatzeko.