Gaur ostirala, hilak 4, langile baten heriotzaren berri izan dugu: Muxikan gertatu da jazoera, ezagutzen ez ditugun arrazoiengatik altura batetik erori eta langile bat hil da. Cubiertas Dual enpresarentzat ari zen lanean.
Modu berean gogor salatu nahi dugu azken heriotz honekin, Euskal Herrian gutxienez 24 langile hil direla 2014an, urtarriletik uztaila bitarte. Gaurkoa aste honetan gertatzen den bigarren heriotz istripua da.
Non daude administrazioko arduradunak heriotz berri hau salatzeko? Zein aldaketa eta zein pausu enateko prest daudeegoera eta eredu hau geldiarazteko? Langileok bizi ahal izateko egiten dugu lan eta ez, saiakera horretan hiltzeko. Lan istripuak ez dira bizitzako gertakari arruntak, langile bat hiltzea ez da lanaren ezaugarri bat. Ez, lan istripuak patronalak lan egiteko orduan ezartzen dizkigun baldintza eta lan egiteko moduen emaitza dira.
Ondorengo orduetan burutuko diren protesta elkartaratzetan parte hartzera deitzen dugu LABetik, guztien artean, langile zein jendartean odolhoste hau geldiarazi dezagun.
«PREKARIETATEA HILTZAILEA»
14.07.24
Gasteizko heriotz istripua salatu du LABek
14.07.02
23 dira jadanik 2014an lan istripuan hildako langileak
2014
2014an lan istripuan hildako langileak