2024-06-19
HomeEkintza SozialaPolitika publikoakLanbideko langileek egindako grebak %65eko jarraipena izan du

Lanbideko langileek egindako grebak %65eko jarraipena izan du

Greba egin dute gaur Lanbideko langileek, eta, lanuzteekin batera, hainbat mobilizazio:elkarretaratzea Lakuan eta manifestazioa Lanbideko Zerbitzu Zentraletaraino.

LAB, ELA, UGT eta CCOO sindikatuok gure desadostasuna agertzen diogu Lanbideren bulegoetan ezartzen ari den arreta-eredu berriari. Zuzendaritzak bere kabuz eman dituen pausoak ikusi, eta erakunde honetako langileen oinarrizko eskubideak urratzen direla konturatu ondoren.

Eredu berriak aldaketa nabarmenak eragingo ditu langile askoren lan-baldintzetan, eta ez ditu aintzat hartuko hainbat puntu: indarrean dagoen Lanpostu Zerrenda, lanpostuen monografiak, lan-kargen banaketa orekatua, bulegoetako, lurralde-ordezkaritzetako eta zerbitzu zentraletako pertsonalaren zereginak. Zerbitzuaren kalitatea ere kaltetu egingo da, herritarren txarrerako.

Lau sindikatuok gauza bera eskatu dugu: eredu berriaren ezarpena bertan geldirik uztea eta negoziazio bat “hasieratik” egitea, Lanbideren beharrizanak aztertzeko. LANBIDE ENPLEGUAREN ZERBITZU PUBLIKOA DA, baina haren arduradunek ahazturik omen daukate.

Horregatik, sindikatuok elkarrizketak izan ditugu legebiltzarreko zenbait talderekin, Lanbideko Zuzendaritzarekin eta Enplegu Sailarekin. Tamalez, eredu berriaren ezarpenak aurrera darrai oraingoz, eta gure eskariei entzungor egin diete.

Apirilaren 13an izan zen azken bilera Lakuan Eusko Jaurlaritzako Enplegu sailburuordearekin eta Lanbideko zuzendariarekin, jakiteko ea langileen ordezkarien eskariak aintzat hartuko dituzten eta administrazioak sindikatuekin negoziatzeko borondatea agertzen duten. Bileratik atera dugun ondorioa zera da: ez dute asmorik arreta-eredu berriaren ezarpena gelditzeko.

Lanbidek eta Eusko Jaurlaritzak argi dute arreta-eredu berria abian jartzeko bidean, ez dutela aldeko izango langile gehienak, ezta sindikatu bat bera ere.

Sindikatuok berresten diegu gure eskaria: Arreta-eredu berriaren ezarpena gelditzea eta benetako negoziazio-prozesu bati ekitea.

Horretarako, dei egingo diegu Lanbideko langileei gero eta mobilizazio handiagoetara, harik eta Lanbideko zuzendaritzak eredu berri eta ezin txarrago horren ezarpena gelditu eta langileen ordezkariekin negoziazioak hasten dituen arte.

 

 

 

AZKEN ALBISTEAK | ƚLTIMAS NOTICIAS

Aurrerapenak lortu ditugu Astigarragako etxez etxeko laguntzaren publifikazioan, lan baldintzen ekiparaziora hurbilduta

Lan-baldintzetan hainbat aurrerapen jasotzen dituen akordioa lortuta, sindikatuan ildo horretan lanean segiko dugu.

Cementos Rezolak Enplegu Erregulazioko Espediente bat martxan jarri nahi du AƱorgako lantokian, deskarbonizazioa aitzakiatzat hartuta

Gaur, ekainaren 18an, Cementos Rezola (Heilderberg Materials) enpresako zuzendaritzak bilera deitu du 56 langileri eragingo dien EEErako mahaia osatzeko, AƱorgako planta deskarbonizatzeko aitzakiapean.
00:02:18

Salatzen dugu Hezkuntza Sailak bertan behera utzi dituela martxan zeuden negoziazio mahaiak eta ez duela Akordio Laborala bete

Orain urtebteko ekainaren 1an LABek Akordio Laborala sinatu zuen INTERINOK sindikatuarekin eta Hezkuntza Sailarekin, bi aldeek akordioan jasotako edukiak mahai negoziatzaileetan depositatu eta garatu behar zirelarik.