2024-03-29
HomeLAB SindikatuaDelegatuen BatzarraLABeko delegatuek Euskal Herriak bere bidea egiteko iniziatibak hartzeko konpromezua bereganatu dute

LABeko delegatuek Euskal Herriak bere bidea egiteko iniziatibak hartzeko konpromezua bereganatu dute

LABek delegatuen batzarra egin du gaur Donostiako Atano pilotalekuan kurtso honetarako sindikatuarentzat erronka eta iniziatiba nagusiak zeintzuk izango diren konpartitu eta eztabaidatzeko. Batzarraren ostean manifestazioan Espainiako Gobernu Zibilaren ordezkaritzaraiko joan dira " "Utzi bakean, Euskal Herriak du hitza eta erabakia" lelopean.

LAB sindikatuak urteroko Delegatuen Batzar Nazionala burutu du Donostiako Atano pilotalekuan. "Langileok erabaki, Euskal Herriak erabaki dezan" lelopean sindikatuak 2014 urteari begira dituen erronka nagusiak konpartitu eta eztabaidatu dira.

Batzarraren ostean delegatuek manifestazioan abiatu dira Espainiako Gobernu Zibilaren ordezkaritzaraino "Euskal Herriak du hitza eta erabakia" aldarrikatzera. Erabakitzeko eskubidea irudikatuz gerturatutako delegatuek eraikina inguratu dute.

Manifestazioaren atarian Ainhoa Etxaide LABeko idazkari nagusiak aurtengo batzarrari izaera berezia eman zaiola adierazi du, bere hitzetan, LABek 2014an "mugarri berriak jartzeko, iniziatiba berriekin egoera ekonomiko eta sozialean aldaketak ekarriko dituzten urratsak eta erabakiak behartzeko" lan egitea egokitzen zaio eta lan horretan "tresna garrantzitsuena gure ordezkarien lana eta duten indarra da".

Etxaidek LAB batzarretik konpromiso argi batekin irten dela adierazi du, eta konpromiso hori aldaketa politikoak ekarri behar dituen bidean inplikazio gehiago bereganatzean oinarritu du; aldaketa politkoak bultzatzeko iniziatiba eta akordioak sustatuz eta aldaketa sozialak ekarriko dituzten eztabaida politiko horiek baldintzatzuz.
 

LAB sarean
{module[111]}


AZKEN ALBISTEAK | ÚLTIMAS NOTICIAS

0-3 urtekoen zikloko sindikatuak berriz mobilizatu dira, Hezkuntza Departamentuari eskatzeko behingoz har dezan alor honetako ardura

Nafarroako 0-3 hezkuntza zikloko sindikatu guztiek (LAB, ELA, STEILAS, AFAPNA, UGT eta CCOO) elkarretaratzea egin dute gaur Iruñean, Hezkuntza Departamentuaren egoitza nagusiaren parean, Gobernuak ziklo honi dagokionez erakusten duen jarrera axolagabea salatzeko. Ildo berean, apirilaren 11n manifestazioa eginen dutela iragarri dute, Departamentuaren egoitzatik 17:30ean abiatuko dena.

Grebak Arabako aisialdi hezitzailea eta animazio soziokulturalean apirilaren 2a eta 4an, hitzarmenaren negoziazioan akordiorik ez dagoelako

Agerraldia egin dute gaur Gasteizen sektoreko langileek bi greba egunak iragartzeko. Hitzarmen duinik ez badago, zerbitzurik ez dela egongo adierazi dute.

Iruñeko eremu urdinean jarduera ia geldirik egon da grebaren hiru egunetan

Enpresa Batzordeak (LAB, ELA, UGT eta CCOO) astelehenetik egiten ari den grebaren balorazio positiboa egin du, eta ohartarazi du Dornierrek ez badu aurrerapausorik ematen lan baldintzak hobetuko dituen hitzarmenaren negoziazioan, mobilizazioekin jarraituko dutela.