2023-11-28
HomeZerbitzu PublikoakEusko JaurlaritzaEskola garraioko eta jolastokietako zaintzaileen greba eta protestak

Eskola garraioko eta jolastokietako zaintzaileen greba eta protestak

Eskola garraioa eta laguntzaileen eta jolastokiko zaintzaileen hitzarmenaren baitan jarduten duten zentro publikoetako begiraleek aste honetako hirugarren greba eguna burutuko dute gaur. Urtarrilaren 13, 14, 20, 21 eta 22rako deituak zituzten greba egunak heuren lan baldintzen defentsan. Erantzun positiborik jaso ezean urtarrilaren 27tik aurrera lanuzte mugagabean sartuko dira.

Langileek 2009-2010. ikasturteaz geroztik soldatak izoztuak dituztela salatzen dute, nahiz eta kontratatzen dituzten sektoreko enpresek ez dituzte bereak izoztu, Eusko Jaurlaritzak, ikasturtez ikasturte, dagozkion diru-partidak handitu baitizkie. Langileek diru publikoz osatzen diren partidak enpresen irabazietan bakarrik islatzea ez dute onartzen, eta enpresetako langileen lan baldintzen hobetzean inbertitu beharko litzatekeela esan dute. 

Greba eta protesta hauen bidez langileek honako hiru aldarrikapen hauek eskatzen dituzte: 

– Hitzarmenaren indarraldia 2009/10 ikasturtetik 2014/15 ikasturtera pasatzea.
– Lan erreforma gotortzea beste hitzarmen bat sinatu bitartean ultraaktibitatea mantenduz. Neurri honek enpresei ez dio batere kosturik suposatzen.
– Soldatei dagokionez, eskola-jantokiekin parekatzeko eskatze dute. Egungo %95etik %97,5era pasatzea.

GAURKO IRAGARRITAKO MOBILIZAZIOAK

BIZKAIAN. Arratsaldeko 16.30etan Plentziako ikastetxe publikoan. 

GIPUZKOAN. Arratsaldeko 15:30etan Iruneko Txingudi eskolan.

ARABAN. Goizeko 8.45etan San Ignacio Ikastolan.
 

LAB sarean
{module[111]}

AZKEN ALBISTEAK | ĂšLTIMAS NOTICIAS

Azken hilabetean Palestinako Gazan eta Cisjordanian Israeldar gobernuak eragin duen sarraskia salatu dute Bizkaiko suhiltzaileek

Basauriko Suhiltzaile talde batek sortu duen dinamikari esker, eta honi jarraipena emonez, Palestinako herriari elkartasuna erakutsi diote. Horretarako, aste honetan Artaza, Urioste eta Iurretako parkeetan kontzentrazioak egin dituzte. Sirenekin minutu bateko dolua eta elkartasuna islatu dute suhiltzaileek.

Iruñeko Udaleko Lan Kontratudunen Komiteak eskatu du Etxeko Laguntza Zerbitzua erabat munizipala izatea

Azaroaren 30ean, koordinadora feministak zaintza-eskubideen aldeko greba orokorrerako deia egin du. Grebaren aldarrikapen nagusiak hauexek dira: zaintza-sistema publiko komunitario bat lortzea eta zaintza-sektorearen lan baldintzak duintzea eta babestea, bizitzak erdigunean jarrita.

Artabiako Arneactive enpresako langileek lau orduko lanuztea eginen dute lan baldintzak hobetzearen alde

Artabiako (Nafarroa Garaia) Arneactive enpresako langileek bihar, asteazkena, azaroak 29, lau orduko lan-uztea eginen dute, 12:00etatik 16:00etara, KPIaren araberako soldata-igoerak eskatzeko, kategoria hobetzeko aukera errealak eskatzeko eta plantillaren iritzia kontuan har dezaten eskatzeko.