2026-11-17
HomeZerbitzu PublikoakUdal eta Foru AdministrazioaLABek Zuhatzako begiralearen kaleratzea salatzen du

LABek Zuhatzako begiralearen kaleratzea salatzen du

LAB sindikatua ez da sartuko Arabako Foru Aldundiak sortu duen iskanbilaren nondik norakoen balorazio sakona egiten. Argi adierazi nahi du, ordea, euskararen erabilera sustatzea helburu duten Udalekuetan euskararen erabilera sustatzeko jarrera zigortzea, euskararen kontrako eraso zuzena dela.

PP-k, bere hauteslegoa gatibu mantentzeko kaleratu duen hamaikagarren gezurra baino ez da Zuhatzan jazotakoa. Baina engainu honek ondorio laboralak izan ditu, eta esparru horretan, hain zuzen ere, inziditu nahi dugu prentsa ohar honen bidez.

Langile bat kaleratua izan da. Horrekin nahikoa ez eta diputatu nagusiak orain kaleratutako langileari udalekuetan lan egitea galaraziko diotela esan du. Gure ustez, hori da Aldundiak sortutako gatazkak ekarri duen ondorio larria: gazte bat kaleratua izan da, erabat prekarioa den sektore batean lan aukerra murritzak dituen gazte bati, lanik gabe uzteaz gain, horrelakorik ez duela inoiz berriro izango mehatxua egin diote.

LABek, honen guztiaren arduradun nagusi eta bakarra izan den Foru Aldundiaren jokaera salatzen du. Eta gertatutakoa gogoan hartuko dugu aurrerantzean ere, erakunde horrek pribatizatutako zerbitzuetan, langileekiko ardurak hartzeari uko egiten dionean. Kasu honetan Foru Aldundiak erakutsi du lotura eta arduraren bat izan baduela langileekiko. Bestela, zer dela-eta sartu dira enpresari langile honen kaleratzea inposatzen?

Edo gezurra izango al da beti Arabako Foru Aldundiak errepikatzen duena?: pribatizatutako zerbitzuak eta programak kudeatzen dituzten enpresak lan harremanak finkatzeko autonomoak direla; beraiek ez direla nor enpresa bati langileen osasuna eta bizitza bermatzeko neurriak inposatzeko, hitzarmenak eta lan baldintzak errespetatu arazteko…

Gertaera tamalgarri honetan Diputazioak lan eskubideak arautzen dituen legedia hankaz gora jarri du. Haiek jakingo dute zer interesen arabera egin duen. Guri ardura diguna da berez prekarioa den esparru batean langile gazte bati lan egiteko aukerak murriztu zaizkiola, eta zerbitzu publiko bat publiko ez diren interesen menpe jarri direla beste behin ere: lehenik eta behin ekonomikoak, eta horren mesedetan pribatizatu egin dira; eta ondoren Gobernuan dagoen PP-ren interes interes politikoen mesedetan. Biak ala biak borrokatzen jarraituko du LABek, zerbitzu publikoen eta langile guztien eskubideen defentsan.
 

 

 

AZKEN ALBISTEAK | ÚLTIMAS NOTICIAS

Ikuskizun eta ekitaldien sektoreak beste bi greba egun iragarri ditu Hego Euskal Herrian, azaroaren 26an eta 27an

LABek, ikuskizun eta ekitaldien sektorean Nafarroan ordezkaritzaren %100 duen sindikatuak, EAEko beste sindikatuekin batera (Teknikariok, ESK, ELA CCOO, UGT eta CNT) bi greba egun berri deitu ditu negoziazioak desblokeatzea eta sektoreko lehen hitzarmen kolektiboa sinatzea eskatzeko. Deialdi bateratuak bi lurraldeetan partekatzen den aldarrikapen bati erantzuten dio: prekarizatutako sektore baten erregulaziorantz aurrera egitea.

Mobilizaziorako deia egin dugu, Bizkaiko Esku-hartze Sozialeko hitzarmenaren negoziazioa blokeatuta dagoelako

Hamar hilabete baino gehiagoko negoziazioaren ostean, LAB, ELA eta ESK sindikatuok aurrerapausorik ez dagoela salatu dugu, eta abenduan bi elkarretaratze eta 2027an balizko grebak iragarri ditugu, Gizardatz patronalak aldarrikapenak aintzat hartzen ez baditu.

Arabako metala borrokan: negoziazioa orain!

LAB, ELA, CCOO, eta UGT sindikatuok, Arabako metalgintzako hitzarmenaren negoziazio batzordeko kideok, plataforma bateratu bat aurkeztu dugu SEAren aitzakia guztiak saihesteko eta, behingoz, sektoreko pertsonek behar duten eta merezi duten hitzarmena negoziatzera esertzeko. SEAk, ordea, entzungor egin die langileei eta ez du hartu nahi izan sindikatuek egindako plataforma bateratua