2024-02-28
HomeNazioartea IdazkaritzaElkartasunaLABek Intersindical Canariako 5 kideen epaiketaratzea dela eta, bere elkartasuna adierazi nahi...

LABek Intersindical Canariako 5 kideen epaiketaratzea dela eta, bere elkartasuna adierazi nahi du

LAB sindikatuak hilak 29an kanariar herriko Intersindical Canaria-ko 5 kideren kontra egingo den epaiketaren aurrean bere elkartasun eta sostengua erakutsi du. Langileen eskubideak defendatzeagatik epaituak izango dira.

Luci Rodríguez, Guacimara Viera, Asunción García, Aisha Hernandez eta Pino Monzon Kanariar herriko enpresarien konfederazioaren aurrean arpilatze eta lapurretak salatu zituzten. Enpresarien erantzuna errepresioa eta judizializazioa izan da langileri guztia beldurtu eta zigortzeko asmoz.

Errepresio neurri hauek ez dira arrotzak bere eskubideen alde borroka egiten duten herrietan. Baina ez dute inola ere ez langileriaren erantzuna isil arazten.

Egoera honelako izanik, Intersindical Canaria- aren borrokarekin bat egin nahi dugu eta gure sostengua adierazi nahi diegu, bereziki lagun eta kide ditugun eta sistemaren eraso zuzena pairatzen ari diren 5 pertsonei. Horrela, 5 kideen aldeko deialdietan parte hartzera deia gurea egiten dugu eta beraien absoluzioa eskatzen dugu.

Elkartasuna herrien arteko xamurtasuna da!
Borrokalarien aurkako jazarpenak bukatu!
Gora munduko langileria!

 

 

 

AZKEN ALBISTEAK | ÚLTIMAS NOTICIAS

Nafarroako Kimiketako hitzarmena adosteko patronalak egin beharreko lanketa bizkor dezan exijitzeko mobilizatuko gara

Azken hilabete luzeetan LAB eta ELA aldarrikatzen ari garen Nafarroako Kimiketako hitzarmenaren lanketaren barnean eta intersindikalak egindako eskaera baten ondorioz, pasa den otsailaren 23 eta 26an bi sindikatuak CEN patronalarekin batzartu ziren, nor bere aldetik. Baina enpresaburuen erantzuna mantso doanez eta, gainera, ez doanez bi sindikatu hauek nahi duten ildotik, martxoaren 1ean elkarretaratzea eginen dute CEN-en Iruñeko egoitzaren parean.

Salicako enpresa-batzordeak erabat gaitzesten du enpresak inposatutako Aldi Baterako Enplegu Erregulazio Espedientea

Kontserba-enpresako enpresa-batzordeak agerraldia egin du Bermeon eta bertan azaldu du, joan den azaroan, beste Aldi Baterako Enplegu Erregulazio Espedientea (ABEEE) bat hasteko asmoa zuela adierazi ziola zuzendaritzak, bigarrena jarraian. Honela, 2023an bezala, Salikako langileak dira berriz ere enpresarako plan estrategikorik ez izatearen ondorioak ordaintzen dituztenak. Berriro ere erabiltzen da ABEEEa “tresna” bezala malgutasun handiagoa izateko bide moduan.

Salatu dugu Ausolanek kanpoko enpresa bat kontratatu duela baja medikoak kontrolatzeko

Ausolan enpresako kolektibitateetarako sukaldaritzako eta garbiketako langileek elkarretaratzea egin dute gaur Espartzan (Nafarroa), enpresaren egoitzaren aitzinean, salatzeko posta elektroniko bidez izan dutela kanpoko enpresa bat kontratatzeko alde bakarreko erabakiaren berri. Kanpoko enpresa horrek langileen baja medikoak kontrolatuko ditu. Erabaki hori ez da sindikatuetako ordezkariekin partekatu ez negoziatu. Langileek aldarrikatu dute diru hori prebentziorako erabiltzea, eta ez kontrolerako.