2024-03-28
HomeIndustriaIndustria KimikoaLABek salaketa aurkeztu du Audientzia Nazionalean Michelinek CCOO eta UGTrekin adostutako malgutasun...

LABek salaketa aurkeztu du Audientzia Nazionalean Michelinek CCOO eta UGTrekin adostutako malgutasun akordioaren aurka

Gaur LABek Audientzia Nazionalean Michelinek, CCOO eta UGTrekin adostu zuen MALGUTASUN akordioaren aurkako salaketa jarri du. Akordio honek izaera estatala izanik Michelinek Lasarten eta Gasteizen dituen lan zentruetan ere eragina dauka.

Orain urtebete, Michelinek CCOO eta UGTrekin adostu zuen lanaldia MALGUTUKO zuen sistema berri bat ezartzea Estatu espainarrean dituen lantokietan. Sinatu zenean ere LABek akordio honek lanaldiaren erabateko malgutzea eta soldaten galera garrantzitsua ekarriko zuela salatu genuen. Sistema honen ezaugarri batzuk gogoratze aldera:

1. Sistema berriak Sistema Plusean %40rainoko soldata jaitsiera ekarri du, urteko lanaldia luzeago izanik. Egoera jakin batzuetara iritsirik langileak etxeratu ahalko ditu enpresak 15 egunerarte soldataren %20 soilik ordainduz.

2. Sistema berriak 79 lan egutegi ezberdin eskaintzen ditu, hauetariko bakoitzak bere urteko lanaldi eta Sistema Plus ezberdina dituelarik.

3. Honez gain lan egutegi horietan, urtean zehar enpresak 20 egun gehiago lan egin ahalko du edo hala nahi izanez gero 30 egun itxi.

MALGUNTASUN hau guztia gutxi balitz, LABen iritziz Michelinek CCOO eta UGTrekin adostu duen akordio estatal honek bere funtzionamenduan legea urratzen du, izan ere, pertsona bajan dagoen momentuak ez ditu errespetatzen. Langileek lanaldi negatiboa pilatzen dute, hau da, baja egoeran egon arren Michelinekiko lan egun moduan zorra pilatzen da.

Zentruarteko Komiteak sinaturiko akordioak Michelinek Estatuan dituen lan zentruei eragiten die, Euskal Herrian dauden lantokiez gain Valladolid eta Aranda de Duerokoei (Gaztela Leon). Euskal Herrian Michelinek 3.600 langile dauzka Lasarteko lantegian (550 langile) eta Gasteizko lantegian (3.100langile).

Akordioaren izaera estatala dela eta salaketa Madrilgo Audientzia Nazionalean egin behar izan dugu.
Salaketa juridikoki sendoa dela ulertzen dugu eta beraz gure eskaeraren legalitatea onartua izatea espero dugu.

 

 

 

AZKEN ALBISTEAK | ÚLTIMAS NOTICIAS

0-3 urtekoen zikloko sindikatuak berriz mobilizatu dira, Hezkuntza Departamentuari eskatzeko behingoz har dezan alor honetako ardura

Nafarroako 0-3 hezkuntza zikloko sindikatu guztiek (LAB, ELA, STEILAS, AFAPNA, UGT eta CCOO) elkarretaratzea egin dute gaur Iruñean, Hezkuntza Departamentuaren egoitza nagusiaren parean, Gobernuak ziklo honi dagokionez erakusten duen jarrera axolagabea salatzeko. Ildo berean, apirilaren 11n manifestazioa eginen dutela iragarri dute, Departamentuaren egoitzatik 17:30ean abiatuko dena.

Grebak Arabako aisialdi hezitzailea eta animazio soziokulturalean apirilaren 2a eta 4an, hitzarmenaren negoziazioan akordiorik ez dagoelako

Agerraldia egin dute gaur Gasteizen sektoreko langileek bi greba egunak iragartzeko. Hitzarmen duinik ez badago, zerbitzurik ez dela egongo adierazi dute.

Iruñeko eremu urdinean jarduera ia geldirik egon da grebaren hiru egunetan

Enpresa Batzordeak (LAB, ELA, UGT eta CCOO) astelehenetik egiten ari den grebaren balorazio positiboa egin du, eta ohartarazi du Dornierrek ez badu aurrerapausorik ematen lan baldintzak hobetuko dituen hitzarmenaren negoziazioan, mobilizazioekin jarraituko dutela.