2024-09-20
HomeEkintza SozialaLangabeziak berriro ere jopuntuan du Hego Euskal Herria

Langabeziak berriro ere jopuntuan du Hego Euskal Herria

Enplegu Ministerioak eman dituen datuen arabera, martxoan, 1.454 pertsona gehiagok izena eman zuten enplegu-zerbitzu publikoak Hego Euskal Herrian dituen bulegoetan. Horrela, erregistratu den langabezia kopurua guztira, 230.572 pertsonetakoa da.

Enplegu Ministerioak eman dituen datuen arabera, martxoan, 1.454 pertsona gehiagok izena eman zuten enplegu-zerbitzu publikoak Hego Euskal Herrian dituen bulegoetan. Horrela, erregistratu den langabezia kopurua guztira, 230.572 pertsonetakoa da.

Aldiz, hilero, langabezia-laguntza motaren bat jasotzen duen pertsonen kopuruak behera egiten du. Egun, %30ak bakarrik kobratzen du ordaindutakoaren araberako langabezia-prestazioren bat, eta %20,6ak laguntzako prestazioren bat jasotzen du; baina ia erdiak ez du inolako prestaziorik edo, bestela, dagoeneko dena agortu du.

Martxoan langabeziak izan duen bilakaera kaskarrak, batez ere, gazteriari egin dio kalte, 25 urte baino gazteagoak diren langabetuen kopurua %3,7 handitu delako, otsailarekiko alderatuz; hots, eguneko 20 gazte gehiago murgiltzen dira langabezian.

Herrialdeka Araba da kaltetuena, kopuruari dagokionez, hilabete bakar batean %2,6 baino gehiago handituz. Beste ertzean, Nafarroa legoke, non langabeziak %1,4an egin zuen behera martxoan.

Hala ere, gogoan izan beharko genuke langabezia urritu izanak ez duela esan nahi, nahitaez, enplegua sortzen ari dela: ez ditzakegu nahas ere noizbehinkako aldakuntzak joera aldaketekin.

Izatez, 2013ko martxoan Hego Euskal Herrian inoiz ezagutu dugun langabezia mailarik handienera heldu ginen, 235.827 langabetuekin. Dena dela, urtebete igaro ondoren, egiaztatu genuen Gizarte Segurantzaren afiliazioa 3.221 pertsonetan egin zuela behera EAEn. Nafarroari dagokionez, afiliazioa %0,29 ziztrin batean handitu da; bestalde, afiliazio berrien %88a autonomoen erregimenari dagokio.

Laburbilduz, lan arloak adierazten digun larritasuna horrenbestekoa da etsipena hedatzen ari dela eta jendeak enplegua bilatzeari uzten diola, zerbitzu publikoen bidez bilatzeari behintzat: laneko bitartekaritzan, hauen bitartez lortzen diren lanen portzentajea horren murritza izanik, hauen eraginkortasun eza penagarria delako.

 

 

 

AZKEN ALBISTEAK | ÚLTIMAS NOTICIAS

Bilboko hiribilduaren mantentze elektrikoari buruzko agiri teknikoa inpugnatu dugu, hitzarmena ez betetzeagatik

2024ko irailaren 4an, Bilboko Udalak argitara eman zituen Bilboko argiteria publikoaren eta instalazio elektriko eta osagarrien mantentze- eta kontserbazio-zerbitzuaren lizitazio berriaren agiri teknikoak. Agiri horietan, Bilboko Argiakeko 39 langile agertzen dira langile subrogagarri gisa, eta subrogazio-zerrendatik kanpo geratzen dira mantentze elektrikoko zerbitzuko obren atalari atxikitako 9 pertsonak.

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.