Astelehenean, Gasteizen Osakidetzak antolaturiko jardunaldi batean Darpón kontseilariaren presentzia profitatuz, LABek salatu egin du Osakidetzak kea baino ez diela saltzen, bai gizarteari zein Osakidetzako langileei. Kontzentrazioaren ostean eta 30 minutuko jazarpenaren ondoren, Ertzaintzak kide bat inputatu du bengala “ilegalki” erabiltzeagatik.

Gasteizko Europa Biltzar Jauregian Darponek parte hartuko duen parte zera du izenburu “Pazientearen Segurtasuna”. LABen iritziz, benetan pazientearen segurtasuna arrisku larrian ipintzen dutenak Osakidetzan egindako murrizketa basatiak dira. Kontratazioan murriztutakoa, pertsonal falta, lan-zamak handitzea, erritmoak azkartzea eta estres egoerek bai biderkatzen dituztela pazientearentzako arriskuak. Bajan egoteagatik diru kenketa dela eta, langile askok lanera jo behar dute gaixorik egonda ere, pazienteak kutsatzeko arriskua izugarri handituz. Eta, azkenengoz, inposaturiko lanaldiaren luzapenak 10, 12,eta 14 orduko jardunak ekarri ditu. Nork nahi du atenditua izan halako baldintzetan? Darponek berak edo bere familiak egingo luke?

Osakidetzak atzera egin behar du. Ezin da dekretuz dekretu lan-baldintzak kaskartu eta osasun asistentziaren kalitatea jaitsiz negoziatzeko plantak egin bitartean. Bide bakarra negoziazio kolektiboa eta murrizketak bertan behera uztea da. Bitartean, edonora Kontseilariari jarraituko diogu edonora eta jendea eta langileak murrizketen kontrako jarrera publikoki argi eta garbi azaldu diezaioten deitu nahi ditugu.
 

LAB sarean
{module[111]}