2023-12-11
HomeZerbitzu PublikoakNafarroako AdministrazioaLABek negoziazio kolektiboaren irekiera galdegiten du Nafarroako administrazioan

LABek negoziazio kolektiboaren irekiera galdegiten du Nafarroako administrazioan

Nafarroako Administrazio Publikoetan azkeneko gobernuen murrizketa politikak eragin duen kaosa eta narriaduraren aurrean, LABek galdegiten du negoziazio kolektibo prozesu baten irekiera non enplegu publikoa, langileen lan baldintzak, lan-sariak eta zerbitzu publikoen kalitatea berreskurapena gauzatuko den. Horrexegatik Nafarroako Gobernuaren aurrean negoziazio plataformaren proposamena aurkeztu dutu Mahai Orokorrean eztabaidatua izan dadin.

Dokumentua aurkeztu dugun ekitaldian, halaber, salatu dugu langileok azken urteotan jasan izan dugun lan-sarien galera Yolada Barcina Presidenteak bere saria 64.455 eurotan handitu duen bitartean.

Barcina badoa, bai, baina bere kontu korrentea ongi betearekin, urte askotako arpilatzearen ondorioz. Bera ordezkatu duena UPNn asmo berberekin etorriko da. Enplegatu publikoak lan-sari makalekin gelditzen gara, lan zama handiekin eta zerbitzu publiko eskasa emanez. Barcina eta UPNren heredentzia da.

LABen aldarrikapenen plataforma
Azkartzeko asmoarekin Gobernuari, Mahai Orokorrean eztabaidatzeko, aurkeztu diogun plataformaren proposamenak bost arloetan bildu ditugu.

1) Enpleguaren aldeko neurriak. Langileen doikuntzari eta kaleratzeei zein gutxitzeari amaiera eman. Gutxienez 2.000 lanpostuko LEP onartu. Dauden langilean bermatu, aldi baterako kontratazioei egonkortasuna emanez, plantilla organikoan ageri daitezen orain estrutural moduan izkutatzen diren lanpostuak. Kontratazioaren kudeaketa hobetu entxufismoa eta bidegabekeria ekidituz. Burutzak gutxitu, bermatu burutza guztiak meritu lehiaketaz hornitzen direla, ez nahierara orain bezala.

2) Eros ahalmena berreskuratu. 2012ko 14. lansaria osoa itzuli. Lansariak handitu eros ahalmena bermatzeko eta galdutako lansariak berreskuratu arteko %2ko igoera urteko. Aldi baterako langileei finkoek dituzten kontzeptu guztiak ordaindu (gradua, familia laguntza …).

3) Zerbitzu Publikoen alde. Pribatizatze-kanpora emate proiektu guztiak bertan behera utzi. Pribatizatutakoak lehengoratu (informatika, sukaldeak, mendekotasuna …). Azpiegitura eta zerbitzu publikoak errentagarri egin enpresa pribatuei eman aurretik (osasun zein hezkuntza kontzertuak). Lanpostu guztietarako prestakuntza plangintza iraunkorra.

4) Hizkuntza normalkuntza. Gaikuntza linguistikaren plangintza, bermatzeko alde batetik langileek (borondatez) Nafarroako bi hizkuntzak ezagutzea, eta bestaldetik herriaren bi hizkuntzetan arreta bermatzea ere. Euskara meritu bezala hartzea deialdi guztietan.

5) Lan Osasuna. Langileak orain dagoen Gizarte-Segurantzaren kolaboratzaile den auto-aseguradoran sartu. Prebentzio eta harrera formakuntza plangintza lanpostu guztien langile berrientzako. Langileen beharretara lanpostuen egokitzapena.
 

 

 

AZKEN ALBISTEAK | ÚLTIMAS NOTICIAS

Lizarran erditzeko zerbitzua itxi izana Osasun Departamentuaren aurreikuspenik ezari egozten diogu, haren utzikeria eskualdeko osasun zerbitzu publikoak desegiten ari baita

LAB sindikatuan hilabeteak daramatzagu Lizarrako Osasun Barrutiko osasun zerbitzu publikoen egoera larria salatzen, eta duela aste batzuk informazio kanpaina bat egin genuen datu ofizialen bidez frogatzen zuena Estellerriko herritarrak sufritzen ari direna egiazkoa dela, eta ez sentsazio hutsa. Orain, aurreko gerentearen kudeaketa tamalgarriak eta Osasun Departamentuaren ekimenik ezak eskualdeko ospitalea erditzeko zerbitzurik gabe utzi dute, zerbitzua berreskuratzeko datarik gabe, bere garaian etxeko ospitalizazioarekin gertatu zen bezalaxe.

Estatuan baino gutxiago ordaindu beharko dutenez, Fortuna Handien gaineko Zergaren inguruko akordioak patronalari eta kapital errentei mesede egiten die

Ditugun eskumenak presio fiskala areagotu eta zerga sistema sakonki eraldatzeko baliatu behar direla uste dugu LAB sindikatuan. Hala, EAJ-PSEren gobernuak Elkarrekin Podemosekin egindako akordioa ez da inondik inora ere nahikoa, eta kontrako norabidean doa.

Salatzen dugu atzo Erandion hildako langileak 66 urte zituela eta bakarrik ari zela soldadura lanak egiten

Lankide, senitarteko zein lagunei elkartasuna adierazteaz gain, lan-erreformek prekaritatea areagotu baino ez dutela egin nabarmendu du sindikatuak, lan-osasuna bermatu behar duten instituzioek gaiarekiko duten axolagabekeria kritikatzeaz gain.