2025-05-21
HomeIndustriaMetalgintzaLABek mahaian aurkezturiko proposamenarekin egin duen moduan, erantzukizunez joka dezala eskatzen dio...

LABek mahaian aurkezturiko proposamenarekin egin duen moduan, erantzukizunez joka dezala eskatzen dio patronalari

Atzo, abenduak 3, negoziazio kolektiboaren erreformen ondorioz, sektorearen herrialdeko hitzarmena bera kolokan dagoela jabetuta eta negoziazio mahaiaren blokeoaren aurrean, LABek proposamen bat aurkeztu du Gipuzkoako metalgintzako hitzarmenaren negoziazioa desblokeatzeko. Hurrengo hitzordua abenduaren 12rako jarri da, Adegi LABen proposamena aztertzekotan geratu da

LABen proposamena

Indarraldia
2 urtekoa, 2012-2013.

Soldata igoera
Urte bakoitzean soldata igoera KPI + 0’5ekoa izango da.

Sektoreko langileentzako minimoen izaera
Alde guztiek beharrezkoa ikusten dute sektoreko langileen eta enpresen lan baldintzak kohesionatzea eta ekiditea sektoreko lan baldintzen okertzearen ondoriozko lehiakortasunak suposatzen duen kaltea. Horregatik, aldeek uste dute hitzarmen honetan adostutakoak sektoreko oinarrizko lan baldintzak bermatu behar dituela eta horren ondorioz, enpresa mailan lan baldintza okerragoak ez negoziatzeko konpromisoa bere gain hartzen dute.

Ultraktibitate printzipioa
Behin indarraldia amaituta, hitzarmenak ultraktibitatea mantenduko du denbora-mugarik gabe, hau da, arautegiaren aplikazioa mantentzea berau berritzearen ondorioz beste batek ordeztu arte.

Lan baldintzen aldaketa
Hitzarmenaren aldaketak edota inaplikazioak ordezkaritza sindikalarekin akordioa lortzea exijitzen du. Behin kontsultaldia eta Batzorde Paritarioaren eskuhartzea akordiorik gabe bukatuta, gatazkak konpontzeko auzibidez kanpoko prozeduretara joko dutela ezarriko dugu, beti ere derrigorrezko arbitraia baztertuta.


AZKEN ALBISTEAK | ÚLTIMAS NOTICIAS

67 urte betetzear zituen garraiolari bat hil da Irunen

LABek jakin duenez, herenegun, goizaldeko 6:30ean, TRANSDIPE S.L. enpresako S.S. garraiolaria hilik agertu zen Irunen, lanerako prestatzen ari zen kamioiaren aldamenean. Kamioia martxan zegoen, atea irekita eta zantzu guztien arabera, heriotza ez traumatiko baten aurrean gaude. Azken honekin, gutxienez 20 langile hil dira urte hasieratik Euskal Herrian, hauetariko 9 garraiolariak.

Pribatizatutako zaintzako langileak mobilizazio nazionalera deitu ditu LABek, haien izaera publikoa aldarrikatzeko

Langile horiek zerbitzu publiko bat eskaintzen duten heinean, administrazioaren zuzeneko langile izan behar dutela defendatuko du LABek Donostian, eta, norabide horretan, lan baldintzen ekiparazioa aldarrikatuko du.

LABek CENi exijitu dio bertan behera utz dezan lan osasunaren prebentzioaren ardura langileei egozten dien kanpaina, diru publikoarekin ordaindu dutena

LAB sindikatuak arriskutsutzat, iraingarritzat eta mingarritzat jo du CENeko enpresariek diru publikoa erabiltzea (60.000 euro) modu seguruan lan egitea langilearen esku dagoela sinetsarazi nahi duten ideiak zabaltzen dituen kanpaina egiteko. Enpresarien kanpainak prebentzioaren berezko printzipioen aurka egiten du, eta enpresariek arlo horretan dituzten legezko betebeharrak hankaz gora jartzen ditu. Nafarroako lan heriotzen agertoki tragiko honetan, prebentzio legea ez betetzeko orduan erakusten duen lotsagabekeriaren bertze erakusgarri bat da kanpaina.