2024-06-25
HomeLan Osasuna IdazkaritzaLan istripuakLABek gertatu diren bi istripu larri salatzen ditu

LABek gertatu diren bi istripu larri salatzen ditu

Atzo, hilak 30, beste 2 lan istripu oso larri izan ziren. Lehen istripua, goizaldean, Gasteizko Zorelor enpresan gertatu zen. Makina batek harrapatuta langileak anputazio bat jasan zuen. Bigarren ezbeharra Urnietan dagoen Esnelat enpresan izan zen, langilea altuera batetik erori zen eta hil ala biziko egoeran aurkitzen da Donostiako ospitalean.

LAB sindikatutik lehenik eta behin, elkartasuna adierazi nahi diegu bi langile hauen senide, lagun, lankide eta gertuko guztiei.

Bi langileak oso gazteak dira eta baldintza prekarioetan egiten dute lan. Hamaika aldiz salatu dugun arren, berriro diogu gertakari hauek ez dira kasualitatea. Eta beraz gogorki salatzen ditugu bi istripu berri hauek.

Bestalde gogorarazi behar dugu Euskal Herrian 2016ean jadanik 29 langile hil direla lan istripuz, zenbatu gabe gaixotasun profesionalek hildakoak. Hauei heriotzik gabe sekulako osasun kalteak jasan dituzten langileak gehitu behar dizkiegu.

Zifra beldurgarri eta onartezin hauek agerian uzten dute Euskal Herriko langileriak jasaten dituen lan baldintza prekarioak, eta gertaera hauek egoera horren isla bortitzena dira. Horregatik LABek lanean jarraituko du eta langileriari datozen eguten egingo diren mobilizazioetan parte hartzeko dei egiten dio.
 

MOBILIZAZIOA

Uztailak 1 Urnietako Esnelat enpresaren aurrean 12:00etan 

 

 


AZKEN ALBISTEAK | ĂšLTIMAS NOTICIAS

Ilundain gizarteratze eta laneratze enpresarekin adostu dugu bigarren hitzarmenak erosteko ahalmena bermatzea eta atxikimendu sozioafektiboa barne hartzea

Hilabete batzuetako negoziazioen ondoren, LAB sindikatuan —ordezkaritza sindikal osoa baitugu— akordioa lortu dugu Nafarroako Ilundain gizarteratze eta laneratze enpresarekin, bere bigarren hitzarmena sinatzeko. Hitzarmen horrek nabarmen hobetzen du aurrekoa, soldata taula osoan KPIaren igoera ziurtatzen du, eta, lehenbiziko aldiz, aukera ematen du langile bakoitzak ordaindutako baimenak lor ditzan ahaidetasunik gabeko pertsonen zaintzarako.

Zerbitzu publikoak indartzeko hitzetatik ekintzetara pasatzeko eskatu diegu EAEko erakunde eta alderdiei

Sindikatuok elkarretaratzea egin dugu gaur Espainiako Gobernuak Gasteizen duen ordezkariordetzaren aurrean, enplegua eta langile publikoen soldatak hemen erabakitzea aldarrikatzeko.

Duela hamar urte eroritako Nafarroako Industria Grafikoaren hitzarmen kolektiboa berreskuratzearen alde gaude

Gaur goizean Iruñean eman dugun prentsaurrekoan azaldu dugu Nafarroako Industria Grafikoaren hitzarmena 2014an erori zela, eta ordutik sektoreko langileen lan baldintzek nabarmen egin dutela okerrera. LABen uste dugu badela garaia tresna hura berreskuratzeko eta langileen baldintzak duintzeko; horregatik, udaren bueltan sektoreko intersindikala deituko dugu.