2024-02-27
HomeZerbitzu PublikoakGarraioaLABek AENA, FEVE, ADIF, RENFE eta portuen pribatizazio eta liberalizazioa salatu ditu

LABek AENA, FEVE, ADIF, RENFE eta portuen pribatizazio eta liberalizazioa salatu ditu

Beste sektore askori bezala, garraio sekoreari ere eragin die Rajoyen gobernuak inposatutako azken neurriek. Azken erreformak ekarriko dituen pribatizazio eta liberalizazioak herritarrei emango zaien zerbitzua kaskartu eta langileen lan balditzak okertu ditu.
LABek euskal garraio sektore publiko eta soziala eskatzen du eta horren alde mobilizatuko da.

Gaur eman duen pretsaurrekoan ondoko puntu hauek nabarmendu nahi izan ditu:

-Produktu eta azpiegitura publikoak esku pribatuetan jarri izana salatu du; helburua, herri moduan aberastasuna sortzen duten zerbitzu estrategikoekin negozio pribatua egitea dela deritzo.
-Beharrezko ez diren proiektu megalomanoetan dirua xahutzea salatu du (AHT, Pasaiako kanpo-portua), herri moduan funtsezkoak diren zerbitzuak ukatzen zaizkigunean.
-Garraio sektorean, administrazio orokorraren menpeko diren enpresa publiko guztietan ari diren langile guztien lan- eta enplegu-baldintzen defentsan arituko da.
-Gizartearentzat funtsezkoak diren eta gerora begira herri moduan beharko ditugun zerbitzu publikoen defentsa irmoa egingo du.
-Hego Euskal Herrian garraioarekin lotura duten zerbitzu publikoen defentsa jarraituko du.
-Lan Harremanetarako eta Gizarte Segurantzako Euskal Esparruaren beharra eta gure lan harremanen mota eta oinarrizko zerbitzu publikoak erabaki eta defendatzea ahalbidetuko diguten tresnak bultzatuko ditu. Tresna eta eskumenak arlo sozioekonomikoan, Euskal Herrian herri moduan jarduteko nolako zerbitzu publikoak behar eta nahi ditugun erabakitzea ahalbidetuko digutenak.
-Hego Euskal Herrian aireportu, trenbide eta interes orokorreko portuetan ari diren langileei begirako gardentasuna, kontsulta eta parte-hartzea irmo eskatuko du euren lan-baldintzen inguruan hartuko diren erabakietan.
-Euskal alderdiei enplazamendua egin die Hego Euskal Herriko aireportu, trenbide eta interes orokorreko portuetan pribatizazio eta liberalizazioak ez babesteko.
-Gasteiz eta Iruñeako gobernuei dei egin die herri moduan behar ditugun zerbitzu publiko estrategiko eta interes orokorrekoetan eskumen osoak har ditzaten, eta eztabaida hau herri honetako eragile sozial eta politikoen artean zabal dadin.
-Gasteiz eta Iruñeako gobernuek ezer ez dutela egin salatu du eskumenen transferentzia eskatzearen kontuan, ez egungo kudeatzaileek (UPN, PSE), ezta bere egunean EAJk.

AZKEN ALBISTEAK | ÚLTIMAS NOTICIAS

Nafarroako Kimiketako hitzarmena adosteko patronalak egin beharreko lanketa bizkor dezan exijitzeko mobilizatuko gara

Azken hilabete luzeetan LAB eta ELA aldarrikatzen ari garen Nafarroako Kimiketako hitzarmenaren lanketaren barnean eta intersindikalak egindako eskaera baten ondorioz, pasa den otsailaren 23 eta 26an bi sindikatuak CEN patronalarekin batzartu ziren, nor bere aldetik. Baina enpresaburuen erantzuna mantso doanez eta, gainera, ez doanez bi sindikatu hauek nahi duten ildotik, martxoaren 1ean elkarretaratzea eginen dute CEN-en Iruñeko egoitzaren parean.

Salicako enpresa-batzordeak erabat gaitzesten du enpresak inposatutako Aldi Baterako Enplegu Erregulazio Espedientea

Kontserba-enpresako enpresa-batzordeak agerraldia egin du Bermeon eta bertan azaldu du, joan den azaroan, beste Aldi Baterako Enplegu Erregulazio Espedientea (ABEEE) bat hasteko asmoa zuela adierazi ziola zuzendaritzak, bigarrena jarraian. Honela, 2023an bezala, Salikako langileak dira berriz ere enpresarako plan estrategikorik ez izatearen ondorioak ordaintzen dituztenak. Berriro ere erabiltzen da ABEEEa “tresna” bezala malgutasun handiagoa izateko bide moduan.

Salatu dugu Ausolanek kanpoko enpresa bat kontratatu duela baja medikoak kontrolatzeko

Ausolan enpresako kolektibitateetarako sukaldaritzako eta garbiketako langileek elkarretaratzea egin dute gaur Espartzan (Nafarroa), enpresaren egoitzaren aitzinean, salatzeko posta elektroniko bidez izan dutela kanpoko enpresa bat kontratatzeko alde bakarreko erabakiaren berri. Kanpoko enpresa horrek langileen baja medikoak kontrolatuko ditu. Erabaki hori ez da sindikatuetako ordezkariekin partekatu ez negoziatu. Langileek aldarrikatu dute diru hori prebentziorako erabiltzea, eta ez kontrolerako.