2024-03-05
HomeZerbitzu PribatuakBankaLABek 2011ean jadanik esan zuen Banca Civicaren fusioaren inguruan Nafar instituzioen oniritzia...

LABek 2011ean jadanik esan zuen Banca Civicaren fusioaren inguruan Nafar instituzioen oniritzia beharrezkoa zela

Gaizka Uharte, LABeko kideak, 2011ko Nafarroako Parlamenturako hauteskundeak baino lau egun lehenago egin zen Nafarroako Kutxako Kontseilu Orokorrean ohartarazi zuen jadanik Nafar instituzioen oniritzia beharrezkoa zela Banca Civicaren fusioaren inguruan.

Atzo Comptos Ganberako arduradun nagusiak Paralementuan adierazi zutenez, Nafarroako Gobernuak Nafarroako Kutxaren gaineko inspekzioa egiteko ardura zeukan eta gainera, CANen aktiboak Banca Civicara pasatzeko Nafarroako Gobernuaren nahiz Iruñeko Udalaren oniritzia beharrezkoa zela azpimarratu zuten.

Bada, LABek zera baieztatu dezake: oniritzia egon ez bazen, ez da ezezagutzaren ondorio, impositoreen ordezkari eta Sakanako LABeko arduradun Gaizka Uhartek horren beharraz ohartarazi baitzuen 20011ko maiatzaren 18an egindako Kontseilu Orokorrean. Atxikitutako agirian ikus daitekeenez, Uhartek hiru proposamen zehatz egin zituen: 1) erabakia atzeratzea; 2) justu 4 egun beranduago berrituko zen Nafarroako Parlamentuan eztabaida ematea; 3) Iruñeko Udalaren eta Nafarroako Gobernuaren esku hartzea, entitate sortzaile gisa.

Gainontzeko ordezkari instituzional (Nafarroako Lehendakaria), politiko (UPN-PSN), patronal (CEN) eta sindikalek (UGT-CCOO) entzungor egin eta Banca Civicaren fusioari oiniritzia eman zioten saio horretan bertan.

Deigarria da, noiz eta hauteskundeetarako lau egun eskas falta zirenean, Nafarroaren etorkizunarentzat estrategikoa den gaiaren inguruko erabakia atzeratu nahi ez izana: eztabaida publikoari ihes egin nahi zioten eta gainera hautes-ontzietatik atera zitekeen Parlamentuaren beldur ziren. Horrela bada, ezin dezakete esan ezezagutza edo akatsa izan zenik: Nafarroako Kutxa Banca Civican sartzea onartu zen premiaz eta maltzukeriaz, legalitateari nahiz herri borondateari muzin eginez. Estatu kolpea izan zen, izan zenez eta horren protagonistek beren kargu publikoak utzi beharko lituzkete berehala.

 

 

 

AZKEN ALBISTEAK | ƚLTIMAS NOTICIAS

LABek Munduko Federazio Sindikalak Sao Paulon egindako Kontseilu Presidentzialean parte hartu du

Pasa den asteburuan Munduko Federazio Sindikalaren Kontseilu Presidentziala egin zen San Paolon, Brasilen. Munduko Federazio Sindikala 1945 urtean sortutako elkartea da. 133 herrialdetako 105 milioi langile inguru ordezkatzen ditu. Kontseilu Presidentziala bere zuzendaritza gune nagusia da, kontinente desberdinetako 50 kidek osatutakoa.

Lan eta bizi baldintzak ez dira hobetzen eta prekaritateak egiturazkoa izaten jarraitzen du

Araba, Nafarroa, Gipuzkoa eta Bizkaian 141.582 langabe daude; beraz, pasa den urtetik %2,13a jaitsi da langabezia Hego Euskal Herrian. Enplegua, ordea, sektore prekarioetan sortzen ari da, lan baldintza prekarioekin eta egoera zaurgarrian dauden herritarren bizitzetan inpaktu zuzenagoa eraginez. Hego Euskal Herrian, 25 eta 64 urte arteko bi herritarretik bat prekaritate egoeran bizi da, enplegua izan arren, bizitza duina bermatzeko diru-sarrera nahikorik gabe.

San Juan de Dios ospitaleko langileek elkarretaratzea egin dute IruƱean, hitzarmenaren negoziazioa blokeatuta dagoela salatzeko

San Juan De Dios Ospitaleko enpresa batzordeak elkarretaratzea egin du IruƱean, Osasunbidearen egoitzaren parean, Oliveto kondearen kalean. 2023-2024 hitzarmen kolektiboaren negoziazioaren egoeraren berri eman dute. 2023ko abenduan, Grupo Independiente eta LABek osatutako enpresa-batzordeak, negoziazio-plataforma aurkeztu zuen, eta abenduaren 15ean mahaia eratu zen, urtarriletik aurrera negoziazioari ekiteko.