2024-02-24
HomeBBVA Sail SindikalaAlbisteakISTORIO NEOLIBERAL BAT

ISTORIO NEOLIBERAL BAT

BETEEGIZ ZORROA, LEHERTUZ DOA…

80. hamarkada igarotzen ari zen. Britania Handian Margaret Thatcher andreak britaniar langileen lan-baldintzen, onura sozialen eta sindikatuen aurkako eraso bortitza hasi zuen. Guda horren barnean “kapitalismo herrikoia”ren ipuina asmatu zuen, horrela langileak ere kapitalistak bihurtu omen ziren. Atlantikoaren beste aldean Thatcher-en erkide batek, Ronald Reagan-ek, etorkizunean etorriko zenaren oinarri legalak ezarri zituen: inpunitate eta askatasun osoa finantza kapitala espekulazio hutsean jardun ahal izateko. 
Kapitalismo industrialak iada ez die gainbaliorik ematen beraien neurrigabeko handinahikeria asetzeko eta finantzar kapitalismoaren goi karguek, batez ere yankiek, iruzur piramidal bat diseinatzen dute mundu mailan. “Arriskatzen ez duena ez da bankarako aproposa” doktrinapean kea baino ez diren finantzar produktu eta formula berriak asmatzen dituzte, kapitalismo herrikoiaren puxika puztuz. “Zoriontasuna” erabatekoa zen, langabezia bajua da eta krisialdi zikliko batzuez gain (petroleoarena…) dena dabil ondo eta aurrera darrai. Bitartean jabedun eta exekutiboen elitea mugarik gabe aberasten jarraitzen dute.

Gainera, 1989. urtean Berlineko harresia erortzen da eta berarekin batera europear ezkerra. Mendebaldar Europako langileak, “kapitalismo herrikoi” horrek xurgatuta, kapitalismoaren kontra borroka bideak asmatzeko erreferentzia barik geratzen dira. 1992.ean Francis Fukuyamak bere “Historiaren amaiera” teoría publikatzen du, zeinen arabera klase borroka bukatu da eta sistema posible bakarra kapitalismoa da.

Dirua puztu eta puztu egiten da, burtsa igo eta igo, lana badago, gizarte-errentagarritasun gutxiko gauzak egiteko bada ere (bigarren eta hirugarren egoitzak, obra erraldoiak…). Finantzar sistemak zorpetze masiboa bultzatzen du, bankako jardueran orain arte nahitaezkoa izan den inolako zuhurtzia edo zentzuzko neurriak kontuan hartu gabe. Eta puxika puztu eta puztu egiten da finantzar munduko goi karguak paladaka aberasten diren bitartean (palak, baina, ez eskukoak hondeamakinarenak baizik, neurribakoak).

Baina, ai ama! Bestela ezin izan eta puxika lehertu zen eta dibidendo, balore, jabegoak, etabarren etengabeko hazkundea gelditu egin zen eta iruzur piramidalekin beti gertatzen den moduan, oinarrian zeudenak harrapatuz piramidea erori egin zen. Azken finean, keak ez zuen sinestarazi nahi izan ziguten bezain beste balio.
2008. urtea zen. … (jarraituko dugu) …

AZKEN ALBISTEAK | ÚLTIMAS NOTICIAS

LABek Nafarroa Garaian inoizko emaitzarik onenak lortu zituen 2023ko hauteskunde sindikaletan: 1.223 delegatu ditu eta %18tik hurbil dago

Nafarroako Gobernuak azkenean zabaldu dituen emaitza ofizialen arabera, LAB sindikatuak maximo historikoak lortu zituen 2023ko hauteskunde sindikaletan. Azken datuen arabera, LABek 1.223 delegatu ditu Nafarroa Garaian, eta %17,96ko ordezkaritza. Lau sindikatu nagusien artean, azken urtean LAB izan da delegatu kopuru gehien lortu dituena, bai eta ehunekoan gora egitea lortu duen bakarra ere.

Bizkaiko grafikagintzako patronalak atzerapauso gehiago dituen proposamena egin berri du

Otsailaren 22an, Bizkaiko grafikagintzako hitzarmeneko bederatzigarren negoziazio bilera egin da. Patronalak proposamen berri bat aurkeztu du, aurretik aurkeztutakoak baino baldintza txarragoekin honeko edukietan: iraunaldian, soldata igoeretan eta oporretan. Era berean, atzerapausoak mantentzen jarraitzen dute honako gaietan: lanaldiaren banaketa irregularrean, antzinatasuna, aldi baterako ezintasunen osagarriak, etab.

Mecanerreko trantsizio ekosozialerako plana aurkeztu dugu

Enpresa-batzordean gehiengoa dugun LAB eta ESKk enpresaren trantsizio-planaren jendaurreko aurkezpena egin dugu Urdulizko Kultur Etxean. Enpresaren itxiera saihesteko eta haren etorkizuna ziurtatzeko egindako txostena eta trantsizio ekosozialerako proposamenak ezagutarazi ditugu. Plana enpresa batzordeak egin du Garua kooperatibaren eskutik, eta Urdulizko Udalaren laguntza izan du.