2023-12-10
HomeLAB SindikatuaIgor UrrutikoetxeaIgor Urrutikoetxeari lehen harrera Lezaman 18:30etan

Igor Urrutikoetxeari lehen harrera Lezaman 18:30etan

Azaroaren 28an Brasilen, istripu larri baten ondorioz hil zen gure lagun, kide eta LABeko nazioarteko arduradun Igor Urrutikoetxearen gorpua gaur iritsi da Euskal Herrira.

Goizeko 11.30ak aldera Madrilera heldu da eta tramiteak burutu ondoren, Euskal Herrirako bidea hartu du. Euskal Herrira iritsiko da eta lehen harrera Lezamako Udaletxeko plazan egingo zaio, 18:30etan.

Gaurkoa lehen harrera izango da. Igorri merezi duen omenaldia urtarrilaren 18an, larunbata, bere jaioterrian, Lezaman, egingo zaio. Honen gaineko zehaztapenak ere emango dira, aurrerago.

Omenaldia urtarrilaren 18an Lezaman
Igorri merezi duen omenaldia urtarrilaren 18an, larunbata, bere jaioterrian, Lezaman, egingo zaio.

Rafa Diez: «Agur lagun!»
Rafa Diez Usabiagak El Duesoko espetxetik Igorri idatzitako gutuna.

Elkartasun mezuak
Munduko txoko guztietatik ehundaka elkartasun mezu iristen ari dira. 

LABek  jasotako elkartasuna eskertu nahi du
Planetako txoko guztietatik jasotzen ari garen elkartasuna eskertu nahi dugu, bereziki, FSM, CTB sindikatu brasildar eta PCdoB Brasilgo alderdi komunistako kideek azken hilabete honetan zehar emandako babesa eta laguntza. Gure lagun eta burkideak 38 urte zituela utzi gaitu, baina bere lanak, engaiamenduak eta borrokak bizirik diraute.

Igor Urrutikoetxea Bilbao
Bizitza laburra, baina zure bihotza bezain zabala. Burkide bikaina, lagun aparta. Bidaiari nekaezin hori, alde egin diguzu bete ezineko hutsunea lagata.

AZKEN ALBISTEAK | ÚLTIMAS NOTICIAS

Lizarran erditzeko zerbitzua itxi izana Osasun Departamentuaren aurreikuspenik ezari egozten diogu, haren utzikeria eskualdeko osasun zerbitzu publikoak desegiten ari baita

LAB sindikatuan hilabeteak daramatzagu Lizarrako Osasun Barrutiko osasun zerbitzu publikoen egoera larria salatzen, eta duela aste batzuk informazio kanpaina bat egin genuen datu ofizialen bidez frogatzen zuena Estellerriko herritarrak sufritzen ari direna egiazkoa dela, eta ez sentsazio hutsa. Orain, aurreko gerentearen kudeaketa tamalgarriak eta Osasun Departamentuaren ekimenik ezak eskualdeko ospitalea erditzeko zerbitzurik gabe utzi dute, zerbitzua berreskuratzeko datarik gabe, bere garaian etxeko ospitalizazioarekin gertatu zen bezalaxe.

Estatuan baino gutxiago ordaindu beharko dutenez, Fortuna Handien gaineko Zergaren inguruko akordioak patronalari eta kapital errentei mesede egiten die

Ditugun eskumenak presio fiskala areagotu eta zerga sistema sakonki eraldatzeko baliatu behar direla uste dugu LAB sindikatuan. Hala, EAJ-PSEren gobernuak Elkarrekin Podemosekin egindako akordioa ez da inondik inora ere nahikoa, eta kontrako norabidean doa.

Salatzen dugu atzo Erandion hildako langileak 66 urte zituela eta bakarrik ari zela soldadura lanak egiten

Lankide, senitarteko zein lagunei elkartasuna adierazteaz gain, lan-erreformek prekaritatea areagotu baino ez dutela egin nabarmendu du sindikatuak, lan-osasuna bermatu behar duten instituzioek gaiarekiko duten axolagabekeria kritikatzeaz gain.