2024-03-29
HomeEkintza SindikalaHondarribiko ontzi bateko arrantzale bat zendu da Santoñan, bihotzekoak jota

Hondarribiko ontzi bateko arrantzale bat zendu da Santoñan, bihotzekoak jota

Beste lan heriotz baten berri izan dugu; Hondarribiko arrantza ontzi bateko 51 urteko arrantzale bat hil egin da, kasu honetan. Bihotzekoak jota zendu zen atzo, Santoñako uretan, Berdel kanpaina dela eta.

Aurten, gutxienez, 16 langile hil dira lan istripuz. Hondarribiko San Antonio Berria ontziko langilea zen zendutakoa, 51 urteko A.F..

LAB sindikatutik elkartasuna adierazi nahi diegu familiari, lankideei eta arrantzale guztiei. 

Arrantza sektorea larriki kolpatzen ari da prezioen garestitzea eta, zehazki, duela gutxi geldirik egon da. Horrek, lanaldi luzeekin, lan-baldintza gogorrekin eta egungo egoerarekin batera, non berriro ere herri eta langile klaseak garen egoera honetako zigortuenak, lan-baldintzak lan-istripu ez-traumatikoen atzetik daudela salatzera garamatza. 

Lan-baldintzek markatzen dute gure osasuna eta bizitza, eta, horregatik, berriz ere lan-eredu eta gizarte-eredu berri bat eskatu behar dugu, bizitza duina, lana eta osasuna erabakien erdigunean jartzeko, kapitalaren interesen gainetik.

AZKEN ALBISTEAK | ÚLTIMAS NOTICIAS

0-3 urtekoen zikloko sindikatuak berriz mobilizatu dira, Hezkuntza Departamentuari eskatzeko behingoz har dezan alor honetako ardura

Nafarroako 0-3 hezkuntza zikloko sindikatu guztiek (LAB, ELA, STEILAS, AFAPNA, UGT eta CCOO) elkarretaratzea egin dute gaur Iruñean, Hezkuntza Departamentuaren egoitza nagusiaren parean, Gobernuak ziklo honi dagokionez erakusten duen jarrera axolagabea salatzeko. Ildo berean, apirilaren 11n manifestazioa eginen dutela iragarri dute, Departamentuaren egoitzatik 17:30ean abiatuko dena.

Grebak Arabako aisialdi hezitzailea eta animazio soziokulturalean apirilaren 2a eta 4an, hitzarmenaren negoziazioan akordiorik ez dagoelako

Agerraldia egin dute gaur Gasteizen sektoreko langileek bi greba egunak iragartzeko. Hitzarmen duinik ez badago, zerbitzurik ez dela egongo adierazi dute.

Iruñeko eremu urdinean jarduera ia geldirik egon da grebaren hiru egunetan

Enpresa Batzordeak (LAB, ELA, UGT eta CCOO) astelehenetik egiten ari den grebaren balorazio positiboa egin du, eta ohartarazi du Dornierrek ez badu aurrerapausorik ematen lan baldintzak hobetuko dituen hitzarmenaren negoziazioan, mobilizazioekin jarraituko dutela.