2024-03-01
HomeEkintza SindikalaHitzarmen duina helburu, hiru greba egun erregistratu ditugu Arabako metalgintzan maiatzaren 18a,...

Hitzarmen duina helburu, hiru greba egun erregistratu ditugu Arabako metalgintzan maiatzaren 18a, 24a eta 26rako

Arabako metalgintzako langileek hitzarmen duina behar dute. Ondorioz, eta SEA patronalaren inmobilismoaren aurrean, LAB, ELA, CCOO, USO, ESK eta CGT sindikatuok hiru greba egun erregistratatu ditugu gaur, maiatzaren 18a, 24a eta 26rako.


Arabako metalgintzaren negoziazioak hainbat urte daramatza inolako aurrerapenik gabe. Denbora honetan guztian SEAk inmobilismoa besterik ez du eskaini. Joan den apirilaren 12ko bileran, greba-deialdiaren berri izan ondoren, patronalak berriro eskatu zuen sindikatuok mugitzea. Bitartean, patronalak ez du lanaldia jaisteko proposamenik aurkeztu, ezta subrogaziorik ere, eta ez du sektoreko langileentzako erosteko ahalmenari eusteaz edo beste lan-baldintza batzuk hobetzeaz hitz egiten.

Horren aurrean, gogorarazi nahi dugu LAB, ELA eta CCOO sindikatuok iazko abenduan akordio batera iritsi ginela negoziazioak eta ekintza sindikalak bultzatzeko, Arabako Metalaren Hitzarmen Kolektibo duin bat izatera iristeko. Ondoren, USO, ESK eta CGTk bat egin zuten aldarrikapen taula argi batekin, baina oraindik ez du erantzunik jaso SEAren aldetik.

Orain arte mobilizazio ugari egin ditugu, metalaren hitzarmen duin baten aldeko milaka sinadura biltzen ari gara, eta orain grebetara goaz SEA mugitu behar izateko, edozein aitzakia alde batera utziz eta sektoreak dituen arazoei erantzun argiak emanez.

Ildo horretan, greba horietarako aldarrikapen nagusiak honako hauek direla azpimarratu nahi dugu:

– KPIaren gaineko soldata-igoerak, 1.400 euroko gutxieneko soldatarekin, 14 ordainsaritan.
– Lanaldia nabarmen jaistea.

– Azpikontratetako langileentzako subrogazioa.

– Kontratazioan emiten den iruzurraren aurkako neurriak.

– Behin-behinekotasuna eta malgutasuna mugatzea.

– Benetako berdintasun eraginkorra lortzeko neurriak.

– Lan-osasuna bermatzeko neurriak.

– Baimenak hobetzea eta pertsonak erdigunean jartzen dituzten beste lan-baldintza batzuk.

– Hitzarmena aplikatzeko bermeak: ultraaktibitatea, alde bakarreko ez aplikatzea eragoztea eta aplikatzeko lehentasuna ematea.

6 sindikatuok egiten dugu 3 eguneko greba-deialdi hau, baina Arabako metalgintzako langile guztiei dei egiten diegu bat borroka egun hauekin, sektorean lan-baldintza duinak lortzeko.

Beraz, Arabako metalgintzako sektoreari dei egiten diogu, lehenik eta behin maiatzaren 18an eta, ondoren, 24an eta 26an, grebak egin, ekoizpena eten eta kalera atera dadin, deituko ditugun mobilizazioetan parte hartuz, sektorean lan-baldintza duinak lortzeko.

AZKEN ALBISTEAK | ÚLTIMAS NOTICIAS

1.376 bozka eta 58 delegaturekin, LAB sindikatua da EAEko administrazioko langileen sindikatu nagusia

Milaka izan dira azken hilabeteetan zerbitzu publikoen lantokietako hauteskunde sindikaletan parte hartzeko aukera izan duten langileak. Horren ondorioz, bestelako proposamen sindikalen artetik LAB izan...

Greba egun arrakastatsua Amazonen, enpresak langileen asmoei jaramonik egiten ez dien bitartean

Gaurko greba egunaren balorazioa oso positiboa da, parte-hartzea erabatekoa izan dela esan dezakegu. Plantilla finkotik arduradun gehienak sartu dira, baina kontuan izan behar da arduradunek ez dutela pakete bat bera ere ukitzen, eta, beraz, oinarrizko langileek ez badute lan egiten Amazoneko operatiba guztia ez da ateratzen.

SKOLAEren kontrako azken erasoa salatzen dugu

Administrazioari eskatzen diogu har ditzala beharrezko neurriak ikastetxeetan aniztasunaren aldeko programa hau aurrera eramaten dela bermatzeko. Hezkidetzan eta feminismoan oinarritzen den programaren aurkako enegarren erasoa da hau, eta LAB sindikatuan ez dugu onartuko horrelako eraso gehiagorik!