Urtarrilaren 13an eta otsailaren 23an egin bezala, adinekoen arretarako Nafarroako egoitza guztietako langileek greba eguna egin dute, LAB, ELA, UGT eta CCOO sindikatuok deituta, hitzarmen sektoriala lortzeko bidean. Arratsalderako deitu ditugu manifestazioak: Iruñean, autobus geltoki zaharretik (18:00); Tafallan, San Seberino egoitzatik (18:00); eta Tuteran, Foruen plazatik (18:30).
Hitzarmenak Nafarroako 70 zentro baino gehiagotan lan egiten duten 4.500 pertsona baino gehiagoren lan-baldintzak hobetzeko balio behar du. Lan-baldintzen hobekuntza honako hauetan gauzatzen da: kalitatezko kontratazioak, segurtasun- eta babes-neurri eraginkorrak, sektorean putre-funtsak eragoztea, zerbitzuen kudeaketa publikoa, sistemaren prestakuntza eta profesionalizazioa, eta ikuskapenak indartzea.
Urtarrilaren 11n elkarretaratzea egin genuen Nafarroako Parlamentuaren aurrean, urtarrilaren 13an lehen greba eguna egin zen, otsailaren 23an bigarren greba eguna, eta gaurkoan, martxoak 10, hirugarren greba eguna izan da.
