2026-11-18
HomeEkintza SindikalaArabako metalgintzan azpikontratatutako pertsonentzat subrogazio-eskubidea aldarrikatu dugu

Arabako metalgintzan azpikontratatutako pertsonentzat subrogazio-eskubidea aldarrikatu dugu

Elkarretaratze bana egin dugu LAB, ELA, CCOO, USO, ESK eta CGT sindikatuok, Gasteizko Mercedes eta Michelin enpresen aurrean, Arabako metalgintzan azpikontratatutako pertsonentzat subrogazio-eskubidea eskatzeko. Horregatik mobilizatu gara bi enpresa horien aurrean, horiek baitira Araban azpikontratazioaren bitartez gauzatzen den prekarizazioaren adibiderik handienak.

Azpikontratazioa beste estrategia bat da patronalen prekaritatearen aldeko apustuan, lan-baldintzak jaitsi ahal izateko. Horren aurrean, sindikatuok argi daukagu Arabako metalgintzaren negoziazio mahaian egoera horretan dauden pertsona guztien subrogazio-eskubidea hitzarmenean artikulatzeko exijitu behar dugula.

Hori dela eta, negoziazio mahaian proposamen zehatz bat aurkeztuko dugu sindikatuok, eta bertan planteatuko dugu Arabako metalgintzak subrogazioa langile guztientzako eskubidetzat hartzea.

AZKEN ALBISTEAK | ÚLTIMAS NOTICIAS

LABek, ELAk, UGTk, CCOOk eta ESK-k greba-egunak deitu ditugu Petronorren azpikontratetan, negoziazioaren blokeoaren aurrean

Petronorren azpikontratetako langileek urteak daramatzate lan-baldintza oso gogorrak jasaten. Soldata duinak, enplegu-egonkortasuna, atsedenaldi egokiak, lan-arriskuen prebentzioa eta lan-baldintza duinak aldarrikatzea ez da pribilegioak eskatzea: findegiaren jarduera egunero posible egiten duten langileentzako eskubideak eta bidezko hobekuntzak dira.

Bertako LGS behar dugu, Euskal Herriko langileen errealitateari erantzuteko

Espainiako Gobernuak gaur onartu du Lanbide arteko Gutxieneko Soldataren (LGS) igoera, baita langile publikoen soldaten %4,5eko igoera ere. LABen ustez, erabaki horiek langile batzuen egoera ekonomikoa hobetuko badute ere, Hego Euskal Herrian eragin mugatua izango dute, eta ez diete gure langileen beharrei erantzungo. Gainera, langile publikoen soldaten igoera Madrildik inposatua eta ez-nahikoa da.

Beste mobilizazio egun bat Osakidetzan

Mahai Sektorialean aurrerapauso nahikorik ez dagoenez, LAB, SATSE, ELA, CCOO eta UGT sindikatuok elkarretaratzeak deitu ditugu gaur lan zentro guztietan: 11:00etan ospitaleetan eta 13:00etan Lehen Mailako Arretan.