2024-03-02
HomeIrakaskuntzaHezkuntzaHezkuntza Departamenduko aurreikuspen falta eta gardentasun eza salatu nahi dugu Antonio Trueba...

Hezkuntza Departamenduko aurreikuspen falta eta gardentasun eza salatu nahi dugu Antonio Trueba ikastetxearen egoeraren aurrean

Barakaldoko IES Antonio Trueba BHIren inguruan sortutako egoera dela eta, Hezkuntza Departamenduari luzatutako idazki baten bitartez, informazioa eskatu diogu.

Lehenik eta behin, ikastetxea ixteko justifikatzen duen txosten teknikoa eskatu diogu eta galdera hauek erantzutea eskatu diogu; zein izan da ikastetxe honen bat-bateko utzaraztearen benetako arrazoia? Zer nolako egoeratan egon dira orain arte bertan egondako ikasle eta langileak? Bermatua egon da bertakoentzat osasunerako kaltegarriak ez diren neurri guztiak?

Exijitzen dugu erabaki hau suposatu duen txostena publiko egitea, orain arte ikastetxe honen inguruan eman diren urratsak zeintzuk izan diren argitzea, eta hemendik aurrera ikasle zein langileentzat aurreikusten diren hurrengo pausuak zehaztea.

Barakaldo azken urteetan jasaten ari den Hezkuntza arloko inguruko aurreikuspen falta itzela dagoela salatu nahi dugu, eta “Eskola Mapa” baten beharra islatzen du egoera honek. Ez dugu ahaztu behar Milagrosako ikastetxearen itxierak herri honetarako suposatu zuen kalapita. Administrazioak eta Barakaldoko Udalak hartzen dituen hezkuntza arloko erabakietan etengabeko aurreikuspen falta ikusten da, eta betiko moduan kaltea ikasleek, familiek eta langileek pairatzen dutela.

Amaitzeko, LAB sindikatuak IES Antonio Truebako langileen eskubideak errespetatzeko eskatzen dugu eta langile hauekin, familiekin eta hezkuntza komunitate osorekin elkartasuna adierazi nahi dugu.
 

 

 

AZKEN ALBISTEAK | ƚLTIMAS NOTICIAS

Bidelanen hitzarmen kolektiboa sinatzea #LortuDugu

2023ko urtarrilean hasi zen negoziazioaren ondoren, Bidelan AP8n hitzarmena sinatu dugu 4 urterako, 2023/2026rako, LAB buru duen batzordearen eta Bidelan enpresaren artean.

Zaintza, enplegua eta ondasunaren banaketa aldarrikatu ditugu Gasteizen, Martxoaren 3ko sarraskiaren 48. urteurrenean

Ekitaldia egin du LABek Gasteizen, Martxoaren 3ko sarraskiaren 48. urteurrenean, Enbor beretik sortuko dira leloarekin. GarbiƱe Aranburu koordinatzaile orokorrak adierazi du 1976 hartan jaio berria zela sindikatua: ā€œHasieratik argi izan genuen gure lekua non zegoen. 76ko martxoaren 3aren parte izan ginen eta LABentzat urtemuga garrantzitsua izaten jarraitzen duā€.

Natra OƱatin aurreakordioa #LortuDugu

Natra OƱatin aurreakordioa lortu dugu. 2022tik hitzarmena berritu gabe pasa eta gero, 2023 osoa negoziatzen egon ondoren, eta enpresaren aldetik mespretxua besterik jaso ez dugun honetan, gaur, 2024ko martxoaren 1ean, aurreakordio bat sinatzera iritsi gara bi aldeak.