2026-11-17
HomeZerbitzu PublikoakIrakaskuntzaHeziberri 2020 dekretuaren aurkezpenak ez du Euskal Herrian LOMCEa aplikatuko den argitzen

Heziberri 2020 dekretuaren aurkezpenak ez du Euskal Herrian LOMCEa aplikatuko den argitzen

Atzo Heziberri 2020 dekretuaren berri emateko Jaurlaritza hezkuntzako eragileekin bildu zen. Bilera ostean LAB oraindik «hezkuntza sistema propioaren bidean urratsa izango ote den jakin gabe» jarraitzen duela adierazi du.

LAB Irakaskuntzaren balorazioa
Heziberri 2020

«Gaurko egunean hezkuntza eragileok deituak izan gara Heziberriren hezkuntza dekretuen aurkezpenera eta partaideen artean LAB izan da ere.

Aurkezpenean adierazitako hainbat elementuek atentzio deitzen digute, batetik LOMCEren aurkakotasuna argi adieraztea baina, gerora berau zer nolako garapena izango duen ez aipatzeak.

Estatuarekin adostutako akordioen positibotasuna gailentzea, akordio horiek dagoenari heltzeko balio dutenean bakarrik.
Asmo eta marko pedagogikoan sakontzea baina hau errealitatean nola gauzatuko den dekreturik ez aurkeztea gaurko egunean.

Berriro ere adierazten dugu, Heziberri hezkuntza sistema propioaren bidean urratsa izango ote den jakin gabe jarraitzen dugu gaurko aurkezpenak zein orain arte hezkuntza sailetik egindako adierazpenak ez baitira batere argiak izan.

Eta guretzako argiak izateko garaia badugu, zer egingo duzue? LOMCE aplikatuko duzue bai edo ez? Ze tresna baliatuko dituzue? Hezkuntza sistema propioaren bidean jarriko gara behingoz?

Bihar zein hurrengo astean jasotzen ditugun dekretuak aztertuko ditugu eta horien inguruko azterketa konpartuko dugu.»
 

 

 

AZKEN ALBISTEAK | ÚLTIMAS NOTICIAS

Bertako LGS behar dugu, Euskal Herriko langileen errealitateari erantzuteko

Espainiako Gobernuak gaur onartu du Lanbide arteko Gutxieneko Soldataren (LGS) igoera, baita langile publikoen soldaten %4,5eko igoera ere. LABen ustez, erabaki horiek langile batzuen egoera ekonomikoa hobetuko badute ere, Hego Euskal Herrian eragin mugatua izango dute, eta ez diete gure langileen beharrei erantzungo. Gainera, langile publikoen soldaten igoera Madrildik inposatua eta ez-nahikoa da.

Beste mobilizazio egun bat Osakidetzan

Mahai Sektorialean aurrerapauso nahikorik ez dagoenez, LAB, SATSE, ELA, CCOO eta UGT sindikatuok elkarretaratzeak deitu ditugu gaur lan zentro guztietan: 11:00etan ospitaleetan eta 13:00etan Lehen Mailako Arretan.

Ikuskizun eta ekitaldien sektoreak beste bi greba egun iragarri ditu Hego Euskal Herrian, azaroaren 26an eta 27an

LABek, ikuskizun eta ekitaldien sektorean Nafarroan ordezkaritzaren %100 duen sindikatuak, EAEko beste sindikatuekin batera (Teknikariok, ESK, ELA CCOO, UGT eta CNT) bi greba egun berri deitu ditu negoziazioak desblokeatzea eta sektoreko lehen hitzarmen kolektiboa sinatzea eskatzeko. Deialdi bateratuak bi lurraldeetan partekatzen den aldarrikapen bati erantzuten dio: prekarizatutako sektore baten erregulaziorantz aurrera egitea.