ELA, LAB, CCOO eta UGT sindikatuek Carrefour Express supermerkatuak Laudion igandetan irekitzeko erabaki salatu dute. Erabaki hau komertzio, sindikatu eta eragile sozialen artean EAEn igande eta jai egunetan ez irekitzeko adostutakoaren kontra doa.
IGANDEETAN ZABALTZEAREN KONTRA
«ELA, LAB, CCOO eta UGT sindikatuek Carrefour Express supermerkatuak Laudion mantentzen ari duen egoera salatu nahi dugu.
Komertzio, sindikatu eta eragile sozialen artean EAEn igande eta jai egunetan ez irekitzeko adostasuna egon arren, Laudioko Carrefourrek ez du adostasun hori bete nahi. Laudioko Carrefourrek igandeetan irekitzen ari du bere denda atseden egunak errespetatu gabe.
Langileen bizi pertsonaleko kontziliazio eskubidea ez errespetatzeagatik egoera hau salatu nahi dugu. Are gehiago sektore honetan prekarizazioa izaugarria delako, sektore honetako langile gehienak emakumeak direla ahaztu gabe.
Ez dauka inongo justifikaziorik supermerkatu bat igandeetan zabalik izateak eta horrela aitortzen dute erosleen elkarteek, sindikatu zein enpresa erakundeek. Beraz aitzaki bakarra erosleen artean behar hori eragitearena da eta bide batez langileen erabilgarritasun osoa izatea. Herriko beste komertzioekiko jarrera desleiala dela ere uste dugu.
Sindikatuok komertzial talde handi batzuek dagoen adostasun sozial hau apurtu dezaten ez gaude prest, eta ikusten ari dugu nola noizbehinka egoera tentsionatu nahian dabiltzala komertzioen ordutegiak guztiz zabaltzeko eta sektoreko langileen eskubideak gehiago prekarizatzeko.
Hau dela eta mobilizazioak eragingo ditugu Laudioko Carrefourreko jokaeraren kontra, adostasun sozial hau errespeta dezaten, komertioak jaiegunetan itxita mantentzeko.
Beste alde batetik, AEKO, Aiaraldeko komertzioen elkarteak (APILL, APYMCA eta AEME) ekimen honetara batzen da, jai egunetan irekitzearen kontra alegia, eta Laudioko Carrefour Expressi EAEn existitzen den adierazi gabeko akordioa errespetatzera premiatzen du»