2024-05-27
HomeZerbitzu PublikoakOsasungintzaGurutzetako Ospitaleko gerentziak pediatriako ebakuntza gela itxi nahi du gaueko txandan

Gurutzetako Ospitaleko gerentziak pediatriako ebakuntza gela itxi nahi du gaueko txandan

Gurutzetako ospitaleko sindikatuok, LAB, ESK, SATSE, ELA, SME/FFHE, UGT, CCOO, SAE eta UTESE, gaueko txandan pediatriako kirofanoa itxi nahi dutela salatzen dugu. Erabakia ulertezina da, izan ere, kirofano hori erreferentziazko zerbitzua da pediatriako pazienteen arretarako, Bizkaian zein inguruko probintzietan.

Larrialdi zerbitzua izanik, egoera kritiko askoren aurrean arreta eskaintzen da bertan: jaioberrien emergentziak, politraumatizatuak, odolusteak, eztarriko trabamenduak, ebakuntza osteko zailtasunak. Beraz, kirofanoaren itxiera ezin da inolaz ere justifikatu, alferrik galdutako minutu bakoitza erabakigarria baita haurren osasunean.

Aldebakartasunez eta diziplina anitzeko lantaldearen (zirujauak, anestesistak, erizainak…) adostasunik gabe hartutako erabaki horrek modu larrian eragingo du pediatriako pazientearen segurtasunean.

Pediatriako kirofanoa ez ixteko exijitzen diogu Gurutzetako ospitaleko gerentziari, zentzugabekeria hori bertan behera utzi dezala.
 

 

 

AZKEN ALBISTEAK | ĂšLTIMAS NOTICIAS

Iruñea-Tuterako San Juan de Dios ospitaleko langileek ez dute “low cost” langileak izaten jarraitu nahi

Mobilizazioa egin dute Iruñeko Udaletxe plazan, zuzendaritzari negoziatu dezala eskatzeko. Enpresa-batzordeak 5 hilabete daramatza 2022ko abenduan bukatu zen hitzarmen kolektiboa berritu nahian. Soldata duinak eskatu ditu, bizitzaren garestitzearen eta KPIaren arabera eguneratutakoak.

Bergaran lan istripua izan duen langile bat oso larri dago

Atzo arratsaldean lan istripu larria gertatu zen Bergarako Embalan3 enpresan. Enpresako langilea, kamioi bat zamatzen ari zela, zama gainera erori eta azpian harrapatuta geratu zen. Une honetan langilea oso larri zaurituta dago erietxean.

Matia Fundazioko langileek hitzarmena negoziatu ahal izateko blokeoa etetea exijitu dute

Gaur kontzentrazioa egin dugu Matia Fundazioko langileekin batera, fundazioko zuzendaritza salatzeko asmoz, 2024. urtean hasitako negoziazio kolektiboa izoztuta dauka eta.