LAB, ELA, USO eta SATSE sindikatuetako ordezkariek osatutako greba batzordeak “onartezinatzat” jo du zuzendaritzak egindako proposamenak, atzo egindako bileran. Negoziazio prozesuan aldarrikatutako gutxienekoak ez dituela betetzen salatu dute, eta, errespetu falta” hori ikusita, mobilizazioekin jarraitzea erabaki dute: hilaren 16, 18 eta 20rako aurreikusitako lanuzteak eta hilaren 22tik aurrera iragarritako greba mugagabea, kasu.
Miserikordia Etxeko langileen lan baldintza duinen aldeko protestekin jarraitzea erabaki du greba batzordeak, zuzendaritzarekin atzo izandako bileraren ostean. Zaharren egoitza kudeatzen dutenen jarrera gogor kritikatu dute sindikatuetako ordezkariek.