Gueñeseko Airlan Industries enpresako langileak mobilizazioetan murgildurik daude taldeko gerenteak LABeko delegatua den, bakarra enpresan, Luis García langileen ordezkari bezala onartzen ez duela salatzeko. Datorren ostiraletik aurrera greba mugagabean sartuko direla adierazi dute gaur prentsaurrean.
Enpresak delegatu bakarra du, LABeko Luis García, duela lau urte eta erdi aukeratua eta Joseba Gobela González gerenteak langileen ordezkari moduan onartzen ez duena, mehatxatu eta jazartzeaz aparte (orduak hartzeko arazoak, etab.)
Hori dela eta, mobilizazioak egin dituzte azken egunotan eta ostiraletik hasita, greba mugagabean sartuko dira.
Lan osasunari dagokionez, egoera oso txarra dela adierazi dute langileek; zarata handia, produktu arriskutsuekin lan egitea, zerrak aluminio hautsa botatzen du… Salaketa sartua dute langileek eta Osalan eta Lan Ikuskaritzako ikuskariak bertan izan dira jadanik.
{module[111]}