Hezkuntza Sailak kudeaketa zuzeneko eskola jantokien esleipena egin duenean, Gastronomia Baska enpresa kanpoan geratu da.
Zerbitzu hauen galerak 7.000 menu prestatzearen galera dakar berarekin, eta menu hauen banaketa, gainbegiratzea eta eskolekin koordinazioa ere bai.
Hezkuntza Sailak argitaratutako pleguak subrogazioa planteatzen du eta hortaz, lanpostuei eustea, eskoletan bertan dagoen langileentzako soilik, ez du planteatzen zerbitzu oso hau prestatu, banatu, gainbegiratu edo kudeatzen duenarentzat.
Esleipen honek subrogaziorako eskubide gabe uzten ditu sukalde zentraletik lan egiten duen kudeaketa zuzeneko eskola-jantokien zerbitzuan ari diren langileak, hauen zati bat kaleratzera behartuz.
Egoera honen aurrean greba planteatu dute ELA eta LABetik sukalde zentraleko langile guztientzat urtarrilaren 26, 27, 28 eta 29rako. Honek ehundaka ikastetxetako menuen prestaketa, banaketa eta gainbegiratzeari eta milaka langileri eragingo die
ELA eta LABetik Eusko Jaurlaritzari exijitzen diogu duen erantzunkizuna har dezan, jantoki zerbitzua egunero erabiltzen duten milaka erabiltzaileekiko eta azpikontratatutako enpresen langileekin, eta lanpostu horiek eta subrogazioa berma ditzan esleipendun berriei, menu gehiago hartzen dituztenak, kontratatzera behartuz.