LABeko idazkari nagusi GarbiƱe Aranburuk eta Negoziazio Kolektiboko eta Ekintza Sindikaleko idazkari Xabier Ugartemendiak Gasteizko Gobernuko Lan eta Enplegu sailburu berri Idoia Mendiarekin izandako bileran, berretsi dugu LAB ez dagoela sistema kapitalista berreraikitzeko. Gure apustua beste eredu baterantz joatea da. Trantsizio ekosozialista eta feminista bat behar dugu. Beste eredu baterako bidean, lau multzo nagusitan egin ditugu proposamenak: enplegua, zerbitzu publikoak, gizarte-babesa eta fiskalitatea.
Enplegu integraleko plan baterako LABen proposamena helarazi diegu. Plan horrek lan-erreformak indargabetu behar ditu, eta enpleguaren suntsipena geldiarazteko eta enplegua duintzeko neurri zehatzak hartu. Patronalaren tesien aurkako jarrera argia har dezaten esan diegu, soldata edo enplegua artean aukeratzera eraman nahi baigaituzte. Enpleguari eusteko ez dira soldatak jaitsi behar.
Zerbitzu publikoak indartzeko beharra planteatu dugu. Hezkuntzan, osasunean eta azpikontratetan mobilizatzen ari diren langileen eskaerei erantzuten hasita. Lehentasunezkoa da, halaber, egoitzetan bizi den egoera larriari erantzutea. Horretarako, langile gehiago kontratatu eta ratioak jaitsi behar dira, pribatizatu diren zerbitzuak publifikatu behar dira; azken batean, inbertsio handiagoa behar da. Hori aurrekontuetan islatu beharko litzateke.
DSBEren erreforma ere egiteke dago eta planteatu dugu atzera bota behar direla azken urteotako murrizketa guztiak eta babes sozialeko esparru guztietan estaldura sistema zabaltzea.
Fiskalitateari buruz ere hitz egin behar da. Gure proposamena helarazi diegu Enplegu Saileko ordezkariei. Honek, diru gehiago eta modu progresiboagoan biltzeko 4 neurri planteatzen ditu.
Aranburuk gaineratu du, ābileratik ateratzen dugu ondorioa da gutxi aldatuko dela edo ez dela ezer aldatukoā. Batetik adierazi du ez dugula aldaketarik ikusten politika publikoen norabidean, Eusko Jaurlaritza eta CONFEBASKek osatutako tandemak funtzionatzen jarraituko du. Gainera, āLan eta Enplegu Saila Madrilgo sukurtsal bat izango da. Herritarrei bizitza duina bermatuko dieten politikak egiteko errotikoak diren gaietan erabaki behar da, hala nola lan harremanak edo babes soziala. Baina ez dago borondate politikorik Lan Harremanak eta Babes Sozialerako Esparru Propiorantz aurrera egitekoā, adierazi du.
Amaitzeko, gaineratu du langileen gehiengoaren eskariak kontuan hartu gabe jarraitu nahi dutela gobernatzeko, elkarrizketa sozialaren esparruari eusteko apustu argia eginez. āProposatu ditugun gaien inguruan hitz egiteko prest gaudela adierazi dugu, baina elkarrizketa sozialaren mahaia ez da horretarako egokia. Edukiz hutsik dagoen esparrua da, eta gehiengo sindikalak errespetatzen ez dituena. Elkarrizketa sozialaren iruzur horretan parte hartuko ez dugula berresten duguā.