LABek langileek bizi izandako egoeraren kronifikazioaz ohartarazi du, gutxienez hurrengo kontratuaren emate prozesuaren arte.

Hauxe da LABek Gasteizko Bide-Garbiketa Publikoa eta Hiri-hondakin Solidoen Bilketan duen sail sindikalak igorritako oharra:

LABek Vitoria-Gasteizeko Bide-Garbiketa Publikoa eta Hiri-hondakin Solidoen Bilketan duen sail sindikala osatzen dugun kideok erabateko atsekabea adierazi nahi dugu, gaur egun, kontzesionario honetan diharduten langileek, oraindik ere, jasan behar duten egoera dela-eta. Jadanik bi aste baino gehiago igaro dira, greba batzordearen eta FCC-GMSMren zuzendaritzaren artean aurreakordioa lotu ostean, greba mugagabea bertan behera geratu zenetik. Honen harira, esan, aurreakordio haren puntu garrantzitsuenak bete zitezen ezarri ziren epeak, argi eta garbi, ez direla bete, eta oraindik are okerragoa dena, Aldi-baterako Enpresa Elkarte honen zuzendaritzak baldintzatzen ditu itun honen betetzea, eta Euskadiko Aholku Batzorde Juridikoak ebazpena eman ostean, Vitoria-Gasteizeko udal gobernu-taldearekin etorkizunean egin beharreko bileretan lot litezken akordioak emankorrak izatea.

Sindikatuek ardura handiz jokatuz eta hirian garbiketa zerbitzuaren grebak ekar litzakeen kalteak aintzat hartu ostean, gogo onez onartu zituen langileek egin eskariak bete zitezen ezarri epeak; eskariok laburbil daitezke eskari bakar batean: Hitzarmen Kolektiboa bete dadila. Uneotan sortu den egoera, kontratu mota hauen kudeatzaileak diren multinazional hauen helburu bakarra eta handia agerian uztea ez ezik, adibidez, kosta ala kosta mozkin ekonomikoak lortzea, agerian uzten du ere agertzen duten arduragabekeria Baldintza Pleguetan ezarri betebeharrak ez betetzean, kontratistak izanik, haien langileekin garbiki bete behar badituzte ere.

FCC-GMSMeko langileak berriro egoera horren ordaintzaileak sentitzen dira, egun, dirudienez, luzaroan luzatzeko itxura duena. Nahiz eta gobernu-taldearen eta enpresaren zuzendaritzaren arteko ahalezko bileren helburua adiskidetasunezko kontratu desegitea lortzea den, gure aburuz, haren puntu goren gisa agertu beharko litzateke enpresaren langileekin aldez aurretik lotu akordioak ez direla bete. Sail sindikal honen kideok deritzagu guztiz kontraesankorra dela adiskidetasunezko kontratua desegitea lortzen saiatzeari, argi eta garbi enpresa honetako langile oro gutxiesten direnean, are gehiago, sindikatuon ordezkariok beti agertu dugunean asmo gardena gatazka hau behin betikoz konpon dadin; horren adierazgarri, irailak 7 zituenean lotu zen aurreakordioa sinatu izana da.

Enpresa adjudikazioduna berriro gatazka honetako denborak markatzeko bere asmoan berreragiten duela argi eta garbi akreditatuta geratzen da, horregatik LAB-etik langileek bizi izandako eta UTE honek bultzatutako egoera honen kronifikazioaz ohartarazi nahi dugu, gutxienez hurrengo kontratuaren emate prozesuaren arte.