2024-06-25
HomeEmakumeakMartxoak 8Garbiñe Aranburu: "Berdintasunaren gaia agenda politikoan kokatzea lortu dugu"

Garbiñe Aranburu: “Berdintasunaren gaia agenda politikoan kokatzea lortu dugu”

EITBko “Egun on Euskadi” saioan izan da gaur LABeko idazkari nagusi Garbiñe Aranburu. Gaurkotasunari lotutako zenbait gairen bueltan galdetu diote; martxoaren 8ko greba feministari buruz, kasu. Egun horretan kalera ateratzeko “arrazoiak soberan” daudela berretsi du. “Emakumeok bizi dugu diskriminazio egoera erdigunean jartzea lortu dugu, eta, honekin, lehen helburua lortu dugu”, esan du. Mobilizazioaren garrantzia azpimarratu du, eta martxoaren 8a eredu berri baten eraikuntzan beste urrats bat izango dela jakinarazi du.

Erakundeetatik “berdintasun faltsu baten irudia” saldu nahi izan dutela kritikatu du, eta berdintasun politikek porrot egin dutela esan du: “Berdintasunaren gaia agenda politikoan kokatzea lortu dugu, baina urrats eraginkorrak ematetik oso urrun daude erakundeak”.

Beste gairen artean, besteak beste, pentsio sistema publikoaren kontrako erasoa salatu du eta gaur argitaratutako langabezia datuen atzean prekarietatea dagoela nabarmendu du.

 

 

 

AZKEN ALBISTEAK | ÚLTIMAS NOTICIAS

Espainiar Estatuko langile publikoentzako soldata igoera inposatua da eta erosahalmenaren galeran sakontzen du Hego Euskal Herriko langileentzat

LABen ez dugu ontzat ematen bihar Espainiako Gobernuko Ministro Kontseiluak Estatu osoko langile publikoentzako (*) onartuko duen %2ko igoera gehi %0.5eko baldintzatutako gehigarria.

Zumarragako posta zerbitzuaren egoera onartezina da

Plantillari dagokionez, lanpostu huts ugari daude; adibide gisa, goizeko txandako langileen egoera; izan ere, egun batzuetan 5 pertsona baino ez daude bete beharreko 13 lanpostutarako, hau da, % 62 ez da betetzen. Zoritxarrez, egoera hori oso ohikoa da lantoki honetan. Plantillak hainbat elkarretaratze egin ditu langile-falta salatzeko, baina arazoa ez da hobetzen hauteskunde-aldiaren ondoren, eta enpresak ez du inolako asmorik kontrataziorik egiteko. Uztailaren 7an oporraldian sartuko gara eta oporretara joango diren langileak inork ez dituela ordezkatuko aurreikusten da.

Nafarroako Zurgintzako hitzarmena sinatu dugu, eskubideetan aurrerapenak baititu eta erosteko ahalmenari eusten baitio

Gaur goizean LAB sindikatuak Zurgintza sektoreko Nafarroako hitzarmena sinatu du, 2023 eta 2025 urte bitarteko indarraldia izanen duena. Hitzarmen honek eskubideak handituko ditue eta langileen erosteko ahalmenari eutsiko dio; nahiz eta negoziazioak iraun bitartean patronala behin eta berriz saiatu den lan baldintzak okerragotzen praktiketako kontratuen soldatak txarragotzeko edo soldata igoera KPItik aldentzeko bezalako neurriekin.