2026-11-21
HomeEkintza SindikalaEzagutu zure lan baldintzak eta soldatak. Zure eskubideak aldarrikatu

Ezagutu zure lan baldintzak eta soldatak. Zure eskubideak aldarrikatu

KONTRATAZIOA:
• Zure kontratuaren kopia edukitzeko eskubidea duzu.
• Lanean aste bat eman ondoren komeni da Gizarte Segurantzaren Diruzaintza Nagusira joatea, ea enpresak benetan erregistratu gaituen ikusteko. Lan bizitza- ren agiria eska ezazu.
• Froga sasoian egonik ere Gizarte Segurantzan kotizatu behar da.
• Askotan kontratu bi edo gehiago kateatzen dira denboran eta lan harreman mugagabea bihurtzen da formalki. Jo ezazu sindikatura edozein zalantza argitzeko.

KALERATZEAK ETA KONTRATU BUKAERAK:
• Kaleratzea idatziz adierazi behar dizute. Ahoz eginez gero, lekuko bat izan, langileak ez duela lanpostua bere kabuz utzi egiaztatzeko. Kaleratze gutunean ageri den data gutuna ematen zaigun egunekoa izan behar da, eta kaleratzearen edo kontratu bukaeraren arrazoia jaso behar du.
• Finikitoa. Dokumentu hau sinatzean langileak uko egiten dio enpresari erreklamatzeko aukerari eta lansarien edo bestelako gaien gaineko edozer ordaindutzat joko da. Sinatu aurretik egin kontsulta sindikatuan, edo sinatzekotan, EZ NAGO ADOS esapidea gehitu.
• Langabezi-prestazioa tramitatzeko enpresak “Enpresaren Egiaztagiria” eman behar dizu.

ERREKLAMAZIOAK EGITEKO EPEAK:
• Kaleratzeak,kontrato bukaera, zigorrak, lanbaldintzen aldaketa, oporren egutegia, lekualdatzeak, uztartze-eskubideak: jakinarazpenetik 20 egun baliodun (jaiegunak kontatu gabe).
• Langabezia tramitatzea: 15 egun
• Soldatak: urtebete

AHOLKUAK:
• Gorde nomina guztiak; batez ere azken urtekoak, izan ere, azken 12 hilabeteetako kantitateak bakarrik erreklama daitezke.
• Lanaldi murrizketa edo zaintzarako eszendetzia kasuetarako diru-laguntzak daude. Informa zaitez!
• Zure hitzarmena ezagutu. Bertan urtean lan egin beharreko orduak jasotzen dira, opor egunak, jai egunak, soldata, lan osasunaren inguruko eskubideak…

 



 
 

AZKEN ALBISTEAK | ÚLTIMAS NOTICIAS

Teknikarien sektorean langile borrokaren bidez lortu dugu patronala mugiarazi eta negoziazioa ahalbidetzea

Ikuskizunen eta ekitaldien sektorean 26 eta 27rako aurreikusita zegoen greba bertan behera geratu da gaur; izan ere, behin eta berriro negoziazioak geldiarazten edo oztopatzen ahalegindu den patronala mahaian eser dadin eta teknikarien lan-baldintzei buruz negozia dezan lortu dute langileek beren mobilizazioekin eta presioarekin.

Gipuzkoako helduen egoitzen hitzarmena #LortuDugu

Administrazio publikoko langileekiko ekiparazioaren aldeko urratsak eman eta arrakala murrizten du aurreakordio honek, LABek negoziazio hasieratik mahaian defendatu izan duen bezala.

Lan-ikuskaritzak arrazoia eman digu, eta argi geratu da San Esteban egoitzako langileei eskubideak urratu zaizkiela

Txostenak frogatutzat jo du Getxoko lantokian ez dela errespetatu adinekoen egoitzetako hitzarmena.