2024-02-24
HomeZerbitzu PublikoakUdal eta Foru AdministrazioaEz dugu biharko EUDELen mahai negoziatzailean parte hartuko

Ez dugu biharko EUDELen mahai negoziatzailean parte hartuko

Maiatzaren 31ko EUDELeko bileran LABek mahaitik altxatzea erabaki zuen seriotasunik ez zegoelako behar bezalako negoziazio bat egiteko. Atzo jaso genuen EUDELen erantzuna eta ikusten da LAB mahaitik altxatzeak eragin azkarra izan duela, aurrerapausuak egon dira. Behintzat erantzun egin digute. LAB altxatu zenetik, mahai horretan ezohikoa den azkartasunez egin dituzte mugimenduak. Beraz, gure erabakia egokia izan zela ondorioztatu dezakegu. Baina zoritxarrez, ez dago elementu nahikorik oraindik behar bezalako bermeekin biharko ekainaren 14rako deitu duten mahaira bueltatzeko.

Eskaera zehatzak egin genituen mahai horretara bueltatzeko:

– Estatuko aurrekontuen legearen inguruan EUDELen irakurketa. Hau da, Lege horrek zer nolako margena uzten zigun enpleguaren inguruan eta ordainsarien inguruan aurrerapausoak emateko eta horiek gainditzeko bideak negoziatzeko.

– Europako sententzien harira EUDELen jarrera eta hortik eratortzen diren kalte-ordainen eskubidea, behin- behinekotasuna murrizteko proposamena.

– Negoziatzeko egutegi zehatz bat alde instituzionalaren proposamen eta gaitegi bati lotuta.

– Euskaltegien inguruan nola bermatuko duen EUDELek Udal Euskaltegietako langileen lan baldintzak Eusko Jaurlaritzak
ez zapuztea.

Atzo jaso genuen EUDELen erantzuna eta ikusten da LAB mahaitik altxatzeak eragin azkarra izan duela, aurrerapausuak egon dira. Behintzat erantzun egin digute. LAB altxatu zenetik, mahai horretan ezohikoa den azkartasunez egin dituzte mugimenduak. Beraz, gure erabakia egokia izan zela ondorioztatu dezakegu. Baina zoritxarrez, ez dago elementu nahikorik oraindik behar bezalako bermeekin biharko ekainaren 14rako deitu duten mahaira bueltatzeko.

– Estatuko aurrekontuen legearen inguruan ez dago EUDELen irakurketarik. Sindikatuekin batzorde paritario batek irakurketa hori egitea proposatzen digute. Ez da guk eskatu genuena. Eta gainera, ez dugu uste guk egin behar dugunik. PNVk eta PPk sinatu zuten lege hori. Beraien zerbitzu juridikoak izan behar dira, beraz, azterketa hori egin behar dutenak. Behin hori izanda, elementu nahikorik izango dugu horren inguruko negoziazio batean sartzeko. LABen argi daukagu; birjartze tasek ez dute zentzurik. Bestaldetik, galdutako eros ahalmenaren berreskurapena debekatzeak ez dugu inoiz onartuko. Eta ez gara sartuko inposaturiko muga horiek uzten dituzten zirrikituak negoziatzen.

– Bestaldetik 3 urteetan behin-behinekotasun tasa %6ra jaisteko konpromisoa adierazten dute, baina beti ere legeak uzten duena errespetatuz. Nola lortuko dute PNVk eta PPk eurek adostu dituzten birjartze tasak inposatzen dituen lege bati kasu eginez tasa hori lortzea? Ez digute azaldu.

– Europako sententzien harira EUDELek ez du inolako erantzunik eman.

– Euskaltegien inguruan ez dugu erantzunik jaso.

– Negoziatzeko data bat gaitegi bati lotuta bidali digute, baina bide laburrekoa eta orientabide gisa.

Beraz, ez gara joango biharko ekainaren 14ko bilerara. Ez dugu oraindik behar bezalako seriotasunik ikusten eta tranpa iruditzen zaigu batzorde paritarioaren proposamena, sindikatuek beraien lege inposatzaileei zilegitasuna ematea bilatzen duelako.

Mugimenduak ikusi dira eta nahi dugu gehiago egotea, baina mahai horretan seriotasuna eta eraginkortasuna ikusi arte ez gara itzuliko.
 

 

 

AZKEN ALBISTEAK | ÚLTIMAS NOTICIAS

LABek Nafarroa Garaian inoizko emaitzarik onenak lortu zituen 2023ko hauteskunde sindikaletan: 1.223 delegatu ditu eta %18tik hurbil dago

Nafarroako Gobernuak azkenean zabaldu dituen emaitza ofizialen arabera, LAB sindikatuak maximo historikoak lortu zituen 2023ko hauteskunde sindikaletan. Azken datuen arabera, LABek 1.223 delegatu ditu Nafarroa Garaian, eta %17,96ko ordezkaritza. Lau sindikatu nagusien artean, azken urtean LAB izan da delegatu kopuru gehien lortu dituena, bai eta ehunekoan gora egitea lortu duen bakarra ere.

Bizkaiko grafikagintzako patronalak atzerapauso gehiago dituen proposamena egin berri du

Otsailaren 22an, Bizkaiko grafikagintzako hitzarmeneko bederatzigarren negoziazio bilera egin da. Patronalak proposamen berri bat aurkeztu du, aurretik aurkeztutakoak baino baldintza txarragoekin honeko edukietan: iraunaldian, soldata igoeretan eta oporretan. Era berean, atzerapausoak mantentzen jarraitzen dute honako gaietan: lanaldiaren banaketa irregularrean, antzinatasuna, aldi baterako ezintasunen osagarriak, etab.

Mecanerreko trantsizio ekosozialerako plana aurkeztu dugu

Enpresa-batzordean gehiengoa dugun LAB eta ESKk enpresaren trantsizio-planaren jendaurreko aurkezpena egin dugu Urdulizko Kultur Etxean. Enpresaren itxiera saihesteko eta haren etorkizuna ziurtatzeko egindako txostena eta trantsizio ekosozialerako proposamenak ezagutarazi ditugu. Plana enpresa batzordeak egin du Garua kooperatibaren eskutik, eta Urdulizko Udalaren laguntza izan du.