2024-04-16
HomeLan Osasuna IdazkaritzaPrekarietatea HiltzaileaLanuztea eta kontzentrazioa egingo dugu Chinchurretan egondako istripu larria salatzeko

Lanuztea eta kontzentrazioa egingo dugu Chinchurretan egondako istripu larria salatzeko

Ekainaren 12an beste lan istripu larri bat izan genuen Oñatiko Chinchurreta SA enpresan. Honako hau ez da lehena izan, dagoeneko bi hildako eta hainbat istripu larri izan ditugu enpresa honetan. Horregatik, honelakorik errepika ez dadin, benetako neurriak hartzeko eskatzen dugu enpresa-batzordetik.

Langileok bizi ahal izateko egiten dugu lan, ez saiakera horretan istripu bat izateko edo hiltzeko. Lan istripuak ez dira bizitzako gertakari arruntak. Langile bat hiltzea edo zauritzea ez da lanaren ezaugarri bat. Ez, lan istripuak patronalak lan egiteko orduan ezartzen dizkigun baldintza eta lan egiteko moduen emaitza dira.

Enpresari, Osalani eta Lan ikuskaritzari eskatzen diegu istripu hau behar bezala aztertu dezatela, ardurak argitu eta behar bezalako arreta, ardura eta neurriak hartu ditzatela, horrelako gertaerarik berriz ere errepika ez dadin.

Ekainaren 15ean, osteguna, Chinchurretako enpresa-batzordeak deituta bi ordutako lanuztea eta kontzentrazioa egingo dugu, 13:00etatik 15:00etara, enpresan lan istripu gehiago eman ez
daitezen neurriak eskatzeko. "Chinchurretan lan istripu gehiagorik ez! Gure Lan osasunaren alde!" lemapean elkartuko gara enpresa aurrean.

 

 

 

AZKEN ALBISTEAK | ÚLTIMAS NOTICIAS

Ernaik gazte blokea osatuko du Maiatzaren Leheneko Iruñeko manifestazioan

Ernai gazte antolakundeak gazteentzat bizi baldintza duinak aldarrikatuko ditu Maiatzaren Lehenean, eta bat egingo du LABek deitu duen mobilizazio nazionalarekin. 11:00etan Trinitarios plazatik abiatuko den gazte blokean parte hartzera dei egin diete gazteei. Gazteen mobilizazioak Sarasate pasealekuan egingo du bat LABen manifestazioarekin.

Envases Metalurgicos de Álava enpresan bi langile kaleratu dituzte azken 6 hilabeteetan

Pasa den martxoaren 27an egin zuen Laudioko enpresak azken kaleratzea.

Kontzentrazioa Bizkaiko Grafikagintza sektoreko patronalaren aurrean

Apirilaren 29an eta 30ean eta maiatzaren 22an eta 23an greba deitu dugun LAB-ELA-CCOO-UGT sindikatuok CEBEKi eskatu diogu datorren osteguneko bileran sindikatuen plataforma bateratuari erantzun positiboa emateko.