2024-07-20
HomeEkintza PolitikoaEuskal presoak etxean eta bizirik nahi ditugu!

Euskal presoak etxean eta bizirik nahi ditugu!

Asier Aginako euskal preso politiko ohiaren heriotza dela eta, LAB sindikatuak bat egiten du bere senideen, gertukoen nahiz berarekin ibilbidea partekatu zuten LABkideen saminarekin.

Gaixotasun larria antzeman eta gutxira kaleratu zuten Asier, gaixo larri orori zor zaion bezala. Halere, Asierren heriotza ez da heriotza natural soila. Jakina da euskal preso politikoek pairatzen dituzten espetxe baldintzek ondorio kaltegarriak dituztela pertsonen osasunean. Oraindik ere indarrean dagoen salbuespenezko espetxe politika ez da pertsonak bergizarteratzeko tresna, baizik eta pertsonak suntsitzekoa. Asierrek hamabost urte eman zituen espetxean, bere herritik ehunka kilometrora, lehen graduan beti.

Horregatik, LAB sindikatuak salbuespenezko neurri oro premiaz bertan behera uztea exijitzen die, berriro ere, Espainiako eta Frantziako Gobernuei. Horixe da Euskal Herriko langile gehien-gehienak ordezkatzen ditugun sindikatuok behin baino gehiagotan egin dugun eskaria. Eta hala izan dadin, mobilizatzen jarraitzeko konpromisoa berretsi nahi dugu.

AZKEN ALBISTEAK | ÚLTIMAS NOTICIAS

PIMESA enpresan akordioa #LortuDugu

LABen oso positiboki baloratzen dugu akordioa, langileen ekimen mobilizatzaileari esker lortu dena.

Gipuzkoako Metalaren merkataritzaren sektorean aurreakordioa erdietsi dute 

Duela urtebete hasi ziren sektoreko gure ordezkariak hitzarmena berritzeko asmo handiko proposamen bat garatzen, bi helburu nagusiekin: Gehiengoa duen sindikatua bultzatu negoziazio mahaia deitu zezan eta patronalak negoziatzera eser zitezen derrigortu.

Arabako egoitzetan premiazkoa da hitzarmen duina

Greba eguna da gaurkoan sektorean, eta goizean kalejira egin dugu Gasteizen, patronalari mugiarazteko exijitzeko eta aldundiak ere esku har dezan eskatzeko. Arratsaldean, 18:00etan, beste hitzordu bat daukagu, Desamparadas plazatik abiatuta.