Nafarroako eskola jantokietako hainbat langilek, sektorean ordezkatuta dauden lau sindikatuen deiari erantzunez -LAB, UGT, ELA eta CCOO, ordezkaritzaren arabera ordenatuak-, gaur Iruñean elkarretaratzea egin dute, Hezkuntza Departamentuaren aitzinean, eskoletan eskolaldi jarraitua ezartzearen ondorioz lanpostu asko galdu direlako protesta egiteko, eta Nafarroako Gobernuari zein sektoreko enpresei eskatzeko neurriak har ditzatela lanpostuen galera hori ahal den neurrian arintzeko, oso sektore feminizatuan eta prekarizatua baita.
Ikasturte honetan, eskola jantokietan pandemiaren ondorioz ezarri diren osasun-segurtasuneko neurrien ondorio latzak jasaten ari gara. Eskolalaldi jarraitua ezartzeko moduak umeen kopurua nabarmen jaistea eta jantokiaren iraupena murriztea ekarri du, eta horrek lanpostuak galtzea eta langileen ordutegia murriztea ekarri du.
Era berean, Covid-aren aurkako prebentzio-neurri horien ondorioz, nabarmen igo dira jantokiko prezioak, eta familiek bizi duten egoera kontuan hartuta, ume kopurua jaitsi egin da berriz, nahiz eta horrek bateragarritasunerako zailtasun handiak ekarri. Gainera, informazioa emateko modua dela-eta, familiek beldurra eta zalantzak izan dituzte seme-alabak ikastetxean eta jantokian sartzeko.
Eskola jantokietako matrikulazioa beste ikasturteetakoa baino %40 txikiagoa izaten ari da, eta horrela jarraituz gero, emakume askok ez dakite ziur haien lan etorkizuna nolakoa izango den. Hori dela eta, Hezkuntza Departamentuari eskatzen diogu neurriak har ditzala egoera horri buelta emateko eta sektore horretan lanpostu galera handiak eta sortuko diren baldintzak saihesteko.
Hori dela eta, Nafarroako Gobernuari eta sektoreko enpresei eskatzen diegu neurriak har ditzatela lanpostu galera hori ahal den neurrian arintzeko, sektore hori berez prekarioa baita, partziala eta oso feminizatua. Familientzako laguntzak eman behar dituzte jantokiko kuotaren igoerari aurre egin ahal izateko; eta familiekiko komunikazioa indartu behar dute, jantokietan seme-alaben segurtasuna mantenduz eta bermatuz, eta sektoreko langileen profesionaltasunari balioa emanez.