2024-05-22
HomeZerbitzu PublikoakKomunikabideakEITBko LABek Greziako telebista publikoaren itxiera eta beste komunikabideetan ematen ari diren...

EITBko LABek Greziako telebista publikoaren itxiera eta beste komunikabideetan ematen ari diren murrizketa larriak salatu ditu

Krisia edo lapurreta finantziaroaren aitzakia pean gobernuak neurri onartezinak inposatzen ari dira Europar Batasunean. Estatu espainiarrean ezagunak dira hainbat telebista publikotan hartu diren kaleratze neurriak medioen kontrol politikoa bermatzeko, edota besterik gabe dirua “aurrezteko”.

Ustezko aurrezpena Madrilek bankuekin hartu duen zorra kitatzen laguntzeko edota zuzenean kudeaketa esku pribatuetan uzteko erabiltzen da, beste zerbitzu publikoekin gertatzen den bezala. Azken kasua Catalunyan eman da, non 300 langile kaleratzeko EEE bat aurkeztu berri duen Corporació Catalana de Mitjans Audiovisuals delakoak.

Askoz ere larriagoa da Grezian gertatutakoa. Hain zuzen ere Troikaren morroi den gobernuak telebista publikoa erabat ixtea erabaki baitu. Aitzaki eta eufemismo zurrunbilotik garbi gelditzen da han ere zerbitzu publikoak Kapitalaren esku uzteko estrategia, baina kasu honek badu beste konponente politiko bat, komunikabide publikoek edukitzen ohi dutena, komunikazioaren kontrola alegia. Gobernuak komunikabidea erabat eraitsi eta berriro abiatuko omen du beste proiektu bat, gertuagoko profesionalekin jakina. Hala, txalogarria da bertako langileek hartutako erabakia, borrokatu eta boterearekin kritikoak diren emanaldiekin jarraitzea.

Salaketa hauek aprobetxatuz ez dugu EITB aipatu gabe utzi nahi. Izan ere %26ko diru murrizketa egitea erabaki baitu Urkulluren gobernuak. Sektorean eta azpikontratetan kaleratzeak eta EEEak ematen ari dira (Sodexo, M4F…), eta Etxe barruan behin-behineko kontratazioak amaitzeaz gain (Eusko Irratian kolpez, ETBn ttanttaka…), ez dute plantilla benetan mantentzeko asmorik, soilik kontratu finkoak antza. EITB eta sektore osoaren berregituraketa inposatu nahi du Urkullu-Ortuzarren gobernua-alderdiak, eta helburua soilik ekonomikoa ala politikoa ere baden ez dago garbi, biak ala biak onartezinak beti ere.

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

Euskal hitzarmenen lehentasuna bermatuta, esparru propioaren eraikuntzan urrats gehiago eskatu ditugu

Aurreko erredakzioa hobetzeko LABetik egin genituen eskarietako batzuk aintzat hartu dira; ondorioz, Euskal Herriko langileek bertako hitzarmenen lehentasuna bermatu ahal izango dute.

Osakidetzako zuzendaritzak eta Osasun Sailak ikuztegiak publifikatzeari ekin behar diote, LABek lortutako EAEko Justizia Auzitegi Nagusiaren epaiaren ondoren

Eskaera formal bat aurkeztu dugu Osasun Sailean, Osakidetzan ikuztegi lanak publifikatzeko behar diren elkarrizketei ekiteko asmoz.

Gasteizko Francisco Vitoria institutuan lan-osasun arloko prebentzioa bermatzeko exijitu dugu

Ikastetxeko langileek eta sindikatuok elkarretaratzea egin dugu Gasteizko Hezkuntza Ordezkaritzaren aurrean. Hezkuntza Sailak eta ikastetxeko zuzendaritzak uko egin diote arrisku psikosozialen ebaluazioa egiteari.