2024-07-14
HomeEkintza SozialaEgoerak erabaki politikoak eskatzen ditu, osasun krisia gainditu eta ondorio ekonomiko eta...

Egoerak erabaki politikoak eskatzen ditu, osasun krisia gainditu eta ondorio ekonomiko eta sozialak arintzeko

Agerraldia egingo dugu astelehenean, azaroak 9, Covid-19 pandemiaren aurrean egiten dugun irakurketa eta egiten ditugun proposamenen berri emateko, egunotan hartu diren azken erabakien harira.

LABen ustez, gobernu desberdinek ez dute inolako asmorik pandemiak agerian utzi dituen egiturazko gabeziei erantzuna emateko. Ez dute asmorik osasun sistema publikoa indartzeko, helduen egoitzak publifikatu eta egoiliarrei behar bezalako arreta bermatzeko, zaintza sistema publiko eraginkor bat osatzeko edota bizi dugun krisiak kolpatutako langileen aldeko neurriak hartzeko.

Hain zuzen ere, azken hori agerian geratu da Eusko Jaurlaritzak ostalaritza sektorean hartutako neurriekin. Ostalaritza eta merkataritza salbatzeko planak aldarrikatzen ditugu. Diru publikoa behar da enplegu guztiari eusteko, baita ematen diren irregulartasunak bideratzeko ere.

Testuinguru honek erabaki politikoak eskatzen ditu, osasun krisia gainditu eta krisiaren ondorio ekonomiko eta sozialak arintzeko, bizitza erdigunean jarriz. Bada, asteleheneko agerraldian, LABek bere proposamenak jakinaraziko ditu pandemiaren hedapenari eta osasun krisiak areagotu dituen ondorio ekonomiko eta sozialei aurre egiteko. Agerraldian Garbiñe Aranburu idazkari nagusiak eta Igor Arroyo idazkari nagusi ondokoak hartuko dute parte.

AZKEN ALBISTEAK | ÚLTIMAS NOTICIAS

Niessenen enpresa ituna adostea #LortuDugu

Langileen borrokari esker Oiartzunen kokatuta dagoen ABB Niessen enpresan itun berria sinatzea lortu dugu, enpresa batzordearen babes osoarekin, non LABek 4 ordezkari dituen, ELAk 3 eta UGTk 2. Uztailaren 10ean burutu den langile batzarrean gehiengo osoz onartua izan da ituna, bozkatutako 120 langiletik 119 langileek aldeko bozka eman dute.

Bizkaiko Foru Aldundiko garbitzaileentzako akordio historikoa #Lortudugu

Foru Aldundiko eraikinak garbitzen dituzten langileentzako hitzarmena sinatu dugu Optima azpikontratarekin. Soldata igoera garrantzitsuez gain, bizitza erdigunean jartzeko, sektore feminizatu batean garrantzitsuak diren lan baldintzak lortu ditugu, hala nola, lanaldi partzialak atzean utzi ahal izateko bakante sistema eta zaintzarako lizentzia hobeak.