2024-05-22
HomeUncategorizedEAEko mahai orokorra ahalik eta azkarren biltzeko eskatu du LABek

EAEko mahai orokorra ahalik eta azkarren biltzeko eskatu du LABek

LAB sindikatuak EAJ-PNVren gobernu berriak zerbitzu publikoetan hartutako erabakien gaineko jarrera kezkagarria dela deritzo eta EAEko mahai orokorra lehenbailehen biltzeko eskaera luzatu dio Urkulluri.

Pasa den urriaren 21eko EAEko hauteskundeek Iñigo Urkulluren EAJ-PNVren gobernu berria ekarri dute Jaurlaritzara. Ordutik hona nagusiki hiru izan dira Gobernu honek zerbitzu publikoak direla eta, esku artean ibili behar izan dituen gaiak: 2012ko hamalaugarren pagarena, berrordainketa sanitarioa eta hezkuntza erreforma. Hiruetan Espainiar Estatuak ezarritakoa betetzeko borondatea erakutsi du.

Hiru gaion aurrean hartu duen jarrerari oso kezkagarria deritzogu, izan ere, hiruretan azaldu baitute Espainiar Estatuak ezarritakoa betetzeko borondatea, eta hezkuntza erreformaren kasuan hori baino gehiago, kolaboratzekoa ere.

Publiko egin dituen asmoei jaramon egin ezkero ere kezka ez da desagertzen, “austeritatea” edota “gerrikoa estutzea”, “administrazioa argaltzea” bezalako kontzeptuak errepikatu izan ditu Gobernu berriak; kontraesanak azaleratuz, esaterako, “hori eginda ere zerbitzu publikoak bermatuko direla”, edota “langile finkorik ez dela kaleratuko” (bitartekoak beraz baietz uler daiteke).

Bestalde, Eusko Jaurlaritzak 2013ko Aurrekontuen Egitasmoa laster aurkeztuko duela ere adierazi du.

Hau guzti hau ikusita LABek ahalik eta azkarren iniziatiba hartu eta Gobernuari gure eskakizunak aurkeztea erabaki du. LABen beti defendatu dugu urteko aurrekontuak aurkeztu aurretik Gobernuak instituzio horretako langileen Lan Hitzarmena negoziatzeko Mahaia ireki behar duela eta horren inguruan akordioa itxi; azken batean, aurrekontuetan egongo baitira Hitzarmenean jasotako edukiak garatzeko beharrezko diru partidak. Alderantziz egitea, hau da, behin aurrekontuak itxita negoziatzen hastea, zentzugabekeria eta iruzurra da.

Hala, LABetik formalki MAHAI OROKORRA bildu dadila eskatu dugu. Mahai Orokorrak berebiziko garrantzia du bertan negoziatzen direlako Jaurlaritzaren pean gauden langile kolektibo ezberdinentzako lan baldintza komunak, eta honenbestez, langileontzat borroka eremu garrantzitsua bilakatzen da.

Mahai Orokorrean negoziazioari bide eman aurretik, bada oinarri-oinarrizko exijentzia bat azaleratuko duguna: negoziazio kolektiboa eta Mahai Orokorrean alde biek adostea lortzen duguna errespetatzea eta defendatzea.

Izan ere, azken urteetan gertatutakoak negoziazio kolektiborako eskubideari eta gure negoziaziorako euskal esparruari balio osoa kendu baitie: Espainiar Gobernuak inposatutako murrizketa guztiek gure esparruan egindako akordioak balio gabe utzi dituzte eta Administrazioak hori gainditzeko ezelako defentsarik ez du egin. Hala, LABentzat negoziazioari ekiteko orduan funtsezkoa da administrazioak aldez aurretik negoziazio kolektiboaren eskubideari eta euskal esparruari erabateko babesa azaltzea, horretarako hiru konpromiso adieraziz:

1. Negoziatzen dena aurrekontuetan islatzea, hau da, adostutakoa beteko dela bermatzeko aurrekontuetan beharrezkoak diren diru partiden esleipenak jasotzea.
2. Espainiar Gobernuak ezarritako murrizketa edota inposaketarik ez onartzeko konpromisoa.
3. Adostutakoaren gainean Gobernuak alde bakarrez ezelako erabakirik ez hartzea.

Beraz, LABen aldetik lehenengo aldarrikapena negoziazio kolektiboarekiko errespetua izango da. Lehenengo aldarrikapena, ez beste batzuk baino garrantzitsuagoa delako, baizik eta hori gabe ez dagoelako ezer negoziatzerik.

Behin hori bermatuta, aurtengo LABen aldarrikapen nagusiak honako hauek izango dira: azken urte hauetan galdutako guztia berreskuratzea eta enplegu publikoa sortzeko plan berria egitea. 

 

LAB SAREAN
{module[111]}

    

AZKEN ALBISTEAK | ƚLTIMAS NOTICIAS

Euskal hitzarmenen lehentasuna bermatuta, esparru propioaren eraikuntzan urrats gehiago eskatu ditugu

Aurreko erredakzioa hobetzeko LABetik egin genituen eskarietako batzuk aintzat hartu dira; ondorioz, Euskal Herriko langileek bertako hitzarmenen lehentasuna bermatu ahal izango dute.

Osakidetzako zuzendaritzak eta Osasun Sailak ikuztegiak publifikatzeari ekin behar diote, LABek lortutako EAEko Justizia Auzitegi Nagusiaren epaiaren ondoren

Eskaera formal bat aurkeztu dugu Osasun Sailean, Osakidetzan ikuztegi lanak publifikatzeko behar diren elkarrizketei ekiteko asmoz.

Gasteizko Francisco Vitoria institutuan lan-osasun arloko prebentzioa bermatzeko exijitu dugu

Ikastetxeko langileek eta sindikatuok elkarretaratzea egin dugu Gasteizko Hezkuntza Ordezkaritzaren aurrean. Hezkuntza Sailak eta ikastetxeko zuzendaritzak uko egin diote arrisku psikosozialen ebaluazioa egiteari.