2024-09-20
HomeEkintza SindikalaEAEko Justizia Auzitegi Nagusiaren arabera, IKEAk diskriminatu egiten ditu langileen ordezkariak

EAEko Justizia Auzitegi Nagusiaren arabera, IKEAk diskriminatu egiten ditu langileen ordezkariak

EAEko Justizia Auzitegi Nagusiak erabaki du IKEAk LABen ordezkariari inposatutako mugirkortasun funtzionalak urratu egin zuela ordezkaritza sindikalerako eskubidea, eta ondorioz, zigortu egin du multinazionala langilea bere lanpostuan berronartzera, aldaketak sortutako soldaten aldeak ordaintzera eta sortutakoagatik kalteordaina ordaintzera.

2020ko urtarrilaren 21ean enpresak Olaia Carrillo delegatuari lanpostu eta funtzio aldaketa jakinarazi zion, hilean 53 euro gutxiago kobratuko zituelarik. Erabaki hau LABek enpresan hainbat ekimen egin ondoren hartu zen, batez ere azaroan kaleratzeen aurka egindako kanpainaren ondoren. Argia zen helburua, gure kidearen jarduera sindikalari eraso egitea. Otsailean ere esan genuen eta gaur errepikatu egiten dugu, ez dugu borroka sindikalaren kontrako erasorik onartuko eta edozein erasoren aurrean argia izango da gure erantzuna, antolaketa eta borroka.

Oraingoan epaitegiek arrazoia eman digute, baina hau ez da bidearen amaiera, aurrera jarraitzen duelako IKEAko lan-baldintze duinen aldeko borrokak. Eta argi dugu, edozein bidegabekeriren aurrean planto egiten jarraituko dugula. Eta beti esan dugun moduan, borroka dela bide bakarra.

AZKEN ALBISTEAK | ÚLTIMAS NOTICIAS

Jaso Tower Craneseko langileek greban jarraitzen dute

Zuzendaritzaren borondate falta dela eta, greba eta mobilizazioen bideari jarraitu beste irtenbiderik gabe daude langileak. Gaurkoa bosgarren greba eguna izan dute, eta manifestazioa egin dute Idiazabalen barrena. Datorren asteartean (hilak 24) berrekingo diete lanuzteei, ostiralera arteko greba dagoelarik aurreikusita.

Bilboko hiribilduaren mantentze elektrikoari buruzko agiri teknikoa inpugnatu dugu, hitzarmena ez betetzeagatik

2024ko irailaren 4an, Bilboko Udalak argitara eman zituen Bilboko argiteria publikoaren eta instalazio elektriko eta osagarrien mantentze- eta kontserbazio-zerbitzuaren lizitazio berriaren agiri teknikoak. Agiri horietan, Bilboko Argiakeko 39 langile agertzen dira langile subrogagarri gisa, eta subrogazio-zerrendatik kanpo geratzen dira mantentze elektrikoko zerbitzuko obren atalari atxikitako 9 pertsonak.

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.