2024-03-19
HomeEkintza SindikalaMatriceria Deusto eta GTSko enpresa-batzordeek Tapiari eskatu diote Gestamp-i EEEa erretira dezala...

Matriceria Deusto eta GTSko enpresa-batzordeek Tapiari eskatu diote Gestamp-i EEEa erretira dezala exijitzeko

Matriceria Deusto eta GTSko langileak Gasteizko Parlamentuan egon dira gaur Gestamp-ek enpresa biak ixteko hartutako erabakiaren aurrean protesta egin eta Eusko Jaurlaritzaren inplikazioa exijitzeko euren enpleguen eta herri honetako industriaren etorkizunaren defentsan.

Plenoa zegoen gaur eta Arantxa Tapia sailburuak galdera parlamentarioa erantzun behar izan du Gestamp taldearen inguruan. Bi enpresetako langileek kontzentrazioa egin dute Parlamentuaren kanpokaldean goizeko lehen ordutik eta ondoren, agerraldia egin dute komunikabideen aurrean.

Legebiltzarraren kanpoaldean mobilizatu dira.

Izaskun Olano GTSko enpresa-batzordeko presidenteak eta Moises Muñoz, Matricerías Deustokoak, salatu dute Gestamp taldeak bi enpresak itxi eta 230 langile kaleratzeko asmoa eta Arantxa Tapia sailburuari exijitu diote Gestamp-i exiji diezaiola EEEa erretiratzea.

Gainera, konpromiso handiagoa eskatu diote Eusko Jaurlaritzari industria eta sektore honetako enpleguen defentsan eta Gestamp-ek diru publikotik jasotako miloika euroak zertara bideratu duten salatu dute, hasieran aurreikusitako helburuetara bideratu ez direlako. Laguntza hauen inguruan dagoen kontrol falta ere salatu dute.

Azkenik, urriaren 24an Bilbon manifestazioa egingo dutela adierazi dute, Eusko Jaurlaritzari euren enpleguen eta lan-zentruen eta orohar euskal industriaren defentsan aritzea eskatzeko. Mobilizazioa 11:30ean abiatuko da Eusko Jaurlaritzaren egoitzatik, Gran Via kaleko 85etik.

AZKEN ALBISTEAK | ÚLTIMAS NOTICIAS

Martxoaren 22an egingo da Gipuzkoako metalaren merkataritzaren hitzarmen kolektiboa berritzeko negoziaketa mahaia osatzeko bilera

Ostiral honetan, martxoaren 22an, Gipuzkoako metalaren merkataritzaren hitzarmen kolektiboa berritzeko negoziaketa mahaia osatzeko bilera egingo da. Hitzarmen honek 15 urte daramatza berritu gabe. LABen ideiak argi ditugu, ezinbestekoa da azken 15 urteetan sektoreko langileek galdutako eros ahalmena berreskuratzea eta lanaldia jaistea. Bi puntu hauek izango dira LABen helburu nagusiak.

Azkoitiko lan-zentroko ABEEEa bertan behera uzteko eskatu diogu Sidenorreko zuzendaritzari

Pasa den martxoaren 8an jakinarazi zigun Sidenor enpresako zuzendaritzak Azkoitiko eta Reinosako lan-zentroetan produkzio eta organizazio arrazoiengatiko Aldi Baterako Enplegu Erregulazio Espediente (ABEEE) bat martxan jartzeko asmoa zuela. Martxoaren 14an izan genuen negoziazio batzordea sortzeko eta dokumentazioa jasotzeko bilera.
00:02:19

Ezkerraldeko eta Meatzaldeko langileentzat lan eta bizi baldintza duinak aldarrikatu ditu LABek

Gaur, LABek deituta, ehunka lagunek Sestaoko kaleak hartuko dituzte, Ezkerraldeko eta Meatzaldeko langileentzat etorkizun duina aldarrikatzeko. Langileon lan eta bizi baldintzak borrokatzeko. Izan ere, bada denbora bat EAJk eta PSOEk Ezkerraldea zein Meatzaldea desindustrializatzeko estrategia martxan jarri zutela: ehun industriala suntsitu eta, trukean, zerbitzuen sektorea ezarri, logistikaren eta biltegiratzearen mesedetan.