LAB eta ELAren ohar bateratua, Zuhaizti Kiroldegiko Langile Batzordearen izenean:
Pasa den uztailaren 15ean, gure lankidea izandako Estibalitz Marzok kaleratze-gutuna jaso zuen enpresaren eskutik. Aldiz, Batzorde honen ustez, kaleratze hori ez da modu egokian gauzatu: 15 urtetan zehar Zuhaiztin lanean egon ondoren, uztailaren 15ean aipatutako gutuna jaso eta, uztailaren 30ean, langilearen eta enpresaren arteko harremana iraungita gelditu zen.
Langileok, ordea, ez dugu enpresak hartutako erabakia babesten. Gure iritziz, Estik egiten zuen lana guztiz beharrezkoa da. Horren proba dira beste bi lankidek euren lan-baldintzetan jasango dituzten aldaketak: Estik gauzatzen zituen harrera-lanak bermatzeko, beste bi lankideri euren lan-zama handitu eta euren egutegia aldatu egingo zaiela jakinarazi die enpresak.
Beraz, ohar honen bitartez, gure lankidearen kaleratzea salatu nahi dugu!
Bestalde, komunikazio zuzen eta arinagoa eskatu diogu enpresari: kontsideratzen dugu, Langile Batzordeak ezagutu behar zuela Esti kaleratzeko enpresa-erabakia, kaleratzea ez zen beste irtenbide bat topatzeko, modu bateratuan.
Gure betebeharra langile guztiak babestea delako, kaleratzerik ez!