Sindikatuok mobilizazioekin jarraitzen dugu, osasungintza publikoaren defentsan. Donostia Ospitalearen aurrean bildu gara oraingoan, Osakidetzaren mahai sektorialaren bilera deituta zegoen egunean; joateari uko egin diogun hitzordua, alegia. Elkarretaratzearen ondoren, ospitaleko sarrera okupatu dugu, eta bertako gerentearekin hitz egin ahal izan dugu.
Hain zuzen ere, sindikatuok iragarri genuen mahai sektorialera ez ginela joango ez bada aldaketarik ematen langileek aldarrikatutako norabidean, eta protestekin jarraituko dugula berretsi genuen. Halaxe egin dugu gaur, Donostia Ospitalaren sarrera okupatuta, langileen aldarriak ozen entzun daitezen.
